Meeqqat 1001-it ikiortikkumasut

Meeqqat 13-iugaangata ataaseq ajornartorsiutiminik ikiorneqarumalluni MIO-p SMS-kkut siunnersuisarfianut saaffiginnissimavoq.

Meeqqat inuusuttullu qinngasaartissimanertik imaluunnit aappaqarneq pillugu aliasunneq saaffiginnissutigisarpaat. Kisianni aamma kinguaassiutitigut atornerlunneqarneq, imminut toqunnissamik eqqarsaateqarneq imaluunniit nakuuserfigineqarneq pillugu ikiorneqarumallutik saaffiginnittarput. 

Meeqqat kinguaassiutitigut atornerlunneqarneq aamma imminut toqussinnaasutut pissusilersorneq pissutigalugu MIO kommuninut politiinullu arlaleriarluni nalunaaruteqarpoq.

Meeqqat inersimasunut tatigisinnaasaminnut saaffissaannginnertik pissutigalugu MIO-mut saaffiginnittartut, meeqqat pisinnaatitaaffiannik suliffik inerniliivoq. Meeqqallu MIO-mut saaffiginnittuartarnerminnut, tassunga tatiginninnerannik peqquteqartoq, MIO aamma inerniliivoq. 

Kalaallit Nunaanni meeqqat ullumikkut 13.500-iusut Kalaallit Nunaanni Naatsorsueqqissaartarfimmi atuarneqarsinnaavoq. 

Meeqqat MIO-mut saaffiginnissimasut arlaleriarlutik saaffiginnittarput, ajornarsiutitillu assigiinngitsut ataatsikkut saqqummiuttarlugit. Meeqqat inuusuttullu MIO-mut SMS-kkut saaffiginnikkaangata takisuunik allaqatigiinneq pilersarpoq. MIO katillugit SMS-inik 9000-ngajannik nassinneqarsimavoq. 

MIO-meersut meeqqanit ajornartorsiortunik ikiuillutik SMS-kkut 2013-mili siunnersuisalerput. SMS-ikkut siunnersuisarnerup siunertaraa, meeqqat inuusuttullu atortorissaarutit toqqissisimanartinnerusaat atorlugit siunnersornissaat.
MIO ilinniartitsisunik, isumaginninnermi siunersortinik perorsaasunillu siunnersuisartoqarpoq.