Meeqqat ombudsmandeqartariaqarput

Perorsaasut Ilinniarsimasut Kattuffianit P.I.P-mit piumasarineqarpoq meeqqanut tunngatillugu ombudsmandeqalertariaqartoq. Imbudsmandi pisortanit toqqakkatut meeqqanut tunngatillugu immikkut suliaqartartoq.

Nunatsinni meeqqat eqqunngitsumik pineqarunik saaffissaqanngillat. Ombudsmandeqaraluarpat meeqqat inuinnaat naalakkersuisooqataanerannut paasinnilissagaluarput, nunatsinni akisussaaqataallutik innuttaaqataalissagaluarlutik, taama P.I.P-imi siulittaasoq Naasunnguaq Bisgaard allappoq.

Qinikkat ilisimanerpaat meeqqat peroriartornerminni pisinnaatitaaffitik pillugit qanoq isumaqarnersut? Naasunnguaq Bisgaard aperivoq.

Meeqqat inuusuttuaqqallu amerlaqisut sumiginnarneqarsimanermik peqquteqartumik aserorteralutillu nakuusertarnerat erseqqissaatigaa.

- Meeqqanik sumiginnaanernik kinguaassiutitigullu atornerluinernik suliassat salliutinneqannginnamik akissaqartinneqanngillat. Suliarineqallatualeraangamillu kingusinaareersimasarput, tamannalu kingunerlutitsisaqaaq, Naasunnguaq Bisgaard oqarpoq.

P.I.P-mit ujartorneqarpoq, meeqqat naartuuleqqaarneriniit pitsaaliuisoqarnerusariaqarnera kiisalu peqqinnissaqarfik, inunnik isumaginnittoqarfik, ilinniartitsisut paaqqinnittarfiillu akunnerminni suleqatigiinnerusariaqarnerat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat