Assi: Paalu Møller/KNR

Nakkutilliineq: Meeqqat misissorneqaqqaarsimanngitsunik ilaqutarsiaqalertartut

Nuummi isumaginnittoqarfiup ilaqutarsiat meeqqanut pinerliisimannginnermut uppernarsaataat pissarsiarisimanagit meeraq meeqqalluunniit paarineqalersittarpai.

Isumaginninnermut Naalakkersuisoqarfiup Kommuneqarfik Sermersuup inunnik isumaginnittoqarfiani nakkutilliinerminni taama inerniliipput.

Inuk meeqqamut 15-it inorlugit ukiulimmut kinguaassiutitigut kanngutsaatsuliorsimanermut eqqartuunneqarnikuunersoq, meeqqanut pinerliisimannginnermut uppernarsaatip takutittarpaa. Kommunip meeqqat ilaqutarsianiitilinnginneranni paarsisussat meeqqanut pinerliisimannginnermut uppernarsaammik pissarsiviginissai inatsisitigut pisussaaffigaa.

Nuummili angerlarsimaffiup avataanut inissiiffigineqarsimasuni amerlasuuni meeqqanut pinerliisimannginnermut uppernarsaatit nassaassaanngillat. Nakkutilliisullu taakkuninga apeqquteqarneranni isumaginnittoqarfiup uppernarsaatit nassaarisinnaaneq ajorpaat.

Meeqqanulli pinerliisimannginnermut uppernarsaatit piffissap ingerlanerani pissarsiarineqarnissaat nakkutilliisut nalilerpaat. Taamaakkaluartorli meeqqat ilaqutarsianiilereersimaneranni aatsaat taamaaliortoqassaaq.

- ingerlatsinikkut peqqissaannginneq nalorninerlu pissutigalugit (…), pineqartup piumasaqartoqartillugu uppernarsinissaata periarfissaqarnissaa qularnaarneqarsimanngilaq, nakkutilliisut nalunaarusiaanni allassimavoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat