Nalunaarusiaq: Sermersuup politiinik suleqateqarnera illersorneqarsinnaanngilaq

Suliani meeqqanut inuusuttunullu tunngasuni kommunip politiillu akisussaaffiisa immikkoortinnissaat piaarnerpaamik pisariaqartoq, Nakkutilliinermik Ingerlatsivik, Nuummi, Paamiuni Ittoqqortoormiinilu misissuisimasoq, naliliivoq.

- Sulianik ataasiakkaanik misissuinermi aamma politiineersunik isumaginnittoqarfimmeersunillu tassanngaannartumik imaannaanngitsorujussuarmillu suliaqarnermik malitseqartitsinermut atatillugu oqaloqateqarnermi, nakkutilliisunut ersarissivoq, maanna suleqatigiinneq illersorneqarsinnaanngivissortoq, nakkutilliinermit alunaarusiami Nakkutilliinermik Ingerlatvivik taama allappoq.

Pissutsit massakkutut itsillugit, atorfeqarfiit marluk isumaqatigiissuteqaratik, meeqqat inatsisitigut innarlitsaalisaaneq sumiginnarneqarsinnaavoq:

- Inuiaqatigiinni inatsisinik tunngaveqartuni tunngaviusumik piumasaqaatit qularnaarnissaannut pisariaqar-luinnarpoq erseqqissarneqassasoq (soorlu erseqqissumik isumaqatigiinnikkut), meeqqanik inuusuttunillu suliaqarnermi suliassat suut erseqqissumik politiinit suliarineqassanersut, Nakkutilliinermik Ingerlatvivik allappoq.

Pineqartut akunnerminni ersarissumik isumaqatigiissuteqarneratigut politiit kisimik timikkut pissaanermik atuisinnaanissaat qulakkeerneqarsinnaavoq.

- Nakkutilliisut isumaqarput suliassat agguaanneranni aallaaviusariaqartut isumaginnittoqarfiup politiillu inatsisitigut suliaminnullu atasumik suliassaat, taamatullu naliliinermi pingaartilluinnarneqassasoq, timikkut pissaanermik atuineq kisermaassiffiummat taamaallaallu politiiniilluni, Nakkutilliinermik Ingerlatvivik allappoq.