Meeqqat Inuunerissut suliniutaat naammassivoq

Meeqqat naapertuilluanngitsuliorfigineqartarnerat tassaasimavoq Meeqqat Inuunerissut, MIBB, ukiut pingasut matuma siorna suliniut aallartitaanni qiteritinneqarsimasoq, taaguuserlugu "Kuseriarnerup siaruarneratut".

Allattoq Jonas Løvschall-Wedel

juulip 03-at 2015 12:29

Nutserisoq Erna Lynge

- Suliniut "Kuseriarnerup siaruarneratut" taamaatippoq upperaarpullu, isumassarsiatsialaat eqqarsaatillu kuseriarnerup siaruarneratut siammartitiinnarumaartut. Peqatigiiffik "Meeqqat Inuunerissut" ingerlaqqiinnassaaq, maannalu meeqqanut inuusuttunullu suliniutissat nutaat pilersaarusiuleruttorlugit, MIBB nalunaarpoq.

Suliniaqatigiiffik oqaluttuarpoq, nunatsinni ilinniagaqartut assigiinngitsut 600-it attaveqarfigisimallugit, meeqqallu piginnaatitaaffii, kinguaassiutitigullu meeqqat innimiilliorfigineqarsimasut pillugit suliniutaasinnaasut pillugit isumasiueqatigisimallugit.

- Ukiut pingasut pissanganarsimapput ilikkagaqarfiusimallutillu. Illoqarfiit qulit tikeraarsimavagut, meeqqallu pisinnaatitaaffii pillugit 22-eriarluta pikkorissartitsisilluta. Aammattaaq nalunaaruteqartussaatitaaneq, atornerlunneqarnerullu kingorna timip uippakajaarnermut qisuariartarneri, kiisalu pisortat namminnerlu piumassutsiminnik sulisut akornanni suleqatigeeriaatsit nutarteriffiginiarsimallugit, MIBB nalunaarpoq.

Tamakku saniatigut MIBB piviusulersaarummik filmiliortitsisimavoq atilimmik "Kuseriarnerup siaruarneratut".

Aamma atuaruk Meeqqat inuunerissunut 10 millionit