Brexit: Mayip naalakkersuisoqatigiivinit ministerit pingasut tunuartut
Sulisoqarnermut ministerip Esther McVeyip tunuarniuteqarnini nalunaarutigeqqammerpaa. Tuluit nutaarsiassaqartitsiviat Reuters taama allaaserisaqarpoq.
Tuluit EU-mit aninissaat pillugu ministerip Dominic Raabip, ministeritut tunuarniunissani taassuma siuliani nalunaarutigaa.
Tuluit Nunaata EU-mi ilaasortaajunnaarnissaanut isumaqatigiissutip saqqummiunneqarnerata kingoerna isumaqatigiissummut akerliunertik takutiniarlugu ministerit pingasut tunuarput.
AAMMA ATUARUK Brexit Premier Leaguemut kinguneqarnerlussinnaasoq
- Nunap sunalluunniit demokratii aallaavigalugu piusup isumaqatigiissut taama annertutigisoq atsiorsimanngisaannarpaa, Dominic Raab, tunuarnerminut tunngavilersuinermini ilaatigut taama allaaserisaqarpoq.
Tuluit Nunaanni ministerit pingasut taamaasillutik tunuarniuteqarput. Ministeriunerup Theresa Mayip tuluit EU-mi ilaasortaajunnaarnissaannut isumaqatigiissummut ministerimi akornanni amerlanerussuteqartunit tapersersorneqarnissani qulakkeereeraalu ministerit taakku tunuarniuteqarput.
/ritzau/Reuters
AAMMA ATUARUK Tuluit avissaarnissaminnut pappiaqqat piareeraat