Maskinalerisumiit siulittaasumut: Kalaallit oqaasii sorsuutiginikuuakka

Kalaallillu oqaasiisa salliunneqalernerat, akissarsiatigullu naligiinnerulerneq ukiuni taakkunani angusimasamini puigunaatsinnerpaavai.

Jess G. Berthelsen inuusukkallarami Aahusimi maskiinalerisutut ilinniarnini 1980-imi naammassivaa. Tassanngaanniit nunatsinni kattuffiit annersaanni siulittaasunngornissani naatsorsuutigisimanngikkaluarpaa.

Jess G. Berthelsenip ilinniakkani naammassigamiuk Sisimiuni maskiinalerisutut atorfinippoq, kingornalu Uummannamiilluni.

Jess G. Berthelsen ilisaritilaarlugu

* Ukiui: 62
* Ilinniagaq: Maskinalerisoq
* Atorfiit: Sisimiuni Uummannamilu maskiinalerisoq
* Ilaquttat: Nulianilu tallimanik meeraqarput, arfineq-marlunnillu ernutaqarlutik

Jess G. Berthelsen SIK-mut Nuummi ataatsimiigiarluni 1988-imi siulersuisuunernut ilannguppoq, 1990-imilu siulitaasunngorluni. Tassalu ullumikkut ukiuni 30-nik siulittaasuuvoq.

Taassumalu oqarnera naapertorlugu, SIK aningaasaqarnikkut ilungersunartumik inissisimanerata nalaani siulittaasunngorpoq.

Siulittaasunngornerminiilli ukiut 30-it ingerlaneranni angusimasamini tulluusimaarutiginerpaasami ilaat ima oqaluttuaraa:

Kalaallit oqaasii atorlugit isumaqatigiinnerit pisalerput

- Oqaatsitta annertunerusumik pingaartinneqarnerulernerat. Isumaqatiginninniarnerni oqaatsigut atorlugit isumaqatiginninniartalerneq. Taavalu isumaqatigiissutini Kalaallit oqaasii atorlugit allaqqasut, taakku eqqartuisoqalissagaluarpat atorneqarnissai, Jess G Berthelsen oqarpoq.

Assi: SIK

 

Taassuma 1993-imi Naalakkersuisunut siulittaasuusoq, Lars Emil Johansen aamma immikkuullarissumik atsioqatigalugu eqqaamavaa.

- Nunaqavissut tikisitallu assigiimmik aningaasarsiaqalernissaat, taaminikkut Lars Emililu 1993-imi atsioqatigiissutigaarput.

AAMMA ATUARUK Jess G. Berthelsen suli sorsuutissaqarpoq

Jess G. Berthelsen SIK-mi ullumikkut ukiut 30 matuma siorna siulittaasuunngorpoq. Taannali angalasussaanini peqqutigalugu nalliuttorsiorsinnaanani KNR-imut oqarpoq.

- Ataatsimiigiassagama timmisartumi, aamma festersinnaanngilanga, taamaattumik timmisartorninni ukiuni 30-nik kingumut qiviarlunga soorunami takorloorumaarpakka.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat