Tusaannga: Atuisussanut sulisussanullu pisariinnerussasoq
Saaffissammi pioreersut inuinnik ataasiakkaanik sullissisoqarput, taakkulu aamma suleqammik oqaloqateqarnissamik ilaatigut pisariaqartitsisarput.
- Massakkut suleqatigiit arlallit issiallutik, saaffiginnittut tulleriiaarlugit, akunnerminilu aamma isumasioqatigiissinnaallutik innersuusseqqinnissaminnut, qanorlu malitseqartitsinissaq ersarinnerusumik akunnerminni aaqqissinnaagaat. Pinngitsoornani sulinermi qaffatsitsinermi kinguneqassaaq, Martha Abelsen taama oqarpoq.
AAMMA ATUARUK Oqarasuaatikkut saaffissat katersorneqarput
Ullumikkut attavissat piusut arlaqartut inunnut artorsaateqartunut saaffiginninnisaminnullu nalornisunut paatsuunganarsinnaasarmata, maanna attavissamik ataasiusumik pilersitsinissaq Isumaginninnermik aqutsisoqarfik aalajangiunneqarpoq.
- Uunga killitsinnatik allaat imunut toqunnissamik eqqarsaateqalertinnatik, saaffiginninnikkut oqaloqateqarnikkullu alloriarneq ajornannginnerusoq tigusinnaalissavaat, Peqqissutsimut isumaginninnermullu naalakkersuisoq, Martha Abelsen KNR-imut taama oqarpoq.
AAMMA ATUARUK Qaanaami nammineq oqaatsit atorlugit ikiorneqarnissaq ujartorneqarpoq
Tusaannga februarip aallaqqaataani oqarasuaammut 801180-imut sianerluni imaluunniit 1899-imut sms-erluni saaffigineqarsinnaalissaaq.