Kommune arsaattarfimmut aningaasaliissutaaqqaartunit marloriaammik atuinerusariaqarsimavoq.Assi: Anne Meisner Synnestvedt, KNR

Marloriaammik akisunerusoq: Arsaattarfittaaq 20 millionit sinnerlugit akilik

Arsaattarfiliornermi meterit aqqanillit assaaffigineqartariaqarsimapput, tamanna aningaasartuutinut amerlisaataasimavoq.

20 millionit 927 tusind koruunit.

Ilulissani ivigaasaaqqanik arsaattarfittaaq taama akeqarpoq.

Tamanna KNR-p allagaatik takunnissinnaatitaaneq atorlugu noqqaassutaani allaqqavoq.

Aningaasartuutissatut illuartitani siullerniit marloriaammik aningaasaliisoqartariaqarsimavoq.

Avannaata Kommuniani sanaartornermi pisortap, Mogens Mortensenip arsaattarfiliorneq pilersaarutit malillugit ingerlasimanngitsoq nassuerutigaa.

- Inernera naammagisimaarparput, aningaasartuutilli atukkagut naammagisimaanngilagut, taanna oqarpoq.

AAMMA ATUARUK Ilulissani arsaattarfissami sulineq aserorterisoqarnera pissutigalugu kinguarsarneqarpoq

Ilulissani ivigaasaaqqanik arsaattarfiliortoqassasoq Qaasuitsup Kommunerisimasaani qinikkat aalajangernikuuaat.

10 millionit 477.000 koruuninillu aningaasaliisoqareermat arsaattarfiliorneq 2018-imi aallartippoq.

Aningaasalli taakkua arsaattarfissaq naammasseqqajanngitsoq nungupput. Sinnattorlu piviusunngussappat Avannaata Kommuniata aningaasaleeqqinnissaa pisariaqarpoq.

Assaaneq tupaallannartoq

2019-imilu taamaaliorput 5.2 millionit koruuninik illuartitsigamik.

Taakkuali aamma naammassimanngillat, ukiorlu taanna kommune 4.5 millionit koruuninik aningaasaleeqqippoq.

Aningaasartuuteqarneruneq arsaattarfissami assaanermik pissuteqartoq, kommune paasissutissiivoq.

Ukiorlu manna kommunemi qinikkat aammaarlutik 750.00 koruuninik aningaasaleeqqipput.

Siunnersuisartut Inuplan-imeersut sanaartornermi kommunemut siunnersortaapput.

Taakkua aallaqqaammut sanaartortut Sannassisoq Aps-kkormiut arsaattarfiliornerminni toqqavik tulluartoq nassaariniarnerani meteri ataaseq ammut assaaffigissagaat nalileraluarpaat.

AAMMA ATUARUK Meeqqat inuusuttullu aputaajaasut: Ivikkani arsarsinnaalingajannissartik neriuutigigaat

Tamannali taamaaqqajarsimanngilaq.

Sanaartortut meterit aqqanillit tikillugit assaasariaqarsimapput, tamanna aningaasartuutit amerlinerannik kinguneqarpoq.

Sanaartornermi pisortaq naapertorlugu kommune aningaasartuutikkinneruniarluni allatut iliorsinnaasimanngilaq.

- Allatut iliorsinnaasimanngilagut. Arsaattarfissap sumiiffissaa aalajangeratsigu naluarput ujararujussuaqartoq taannalu meterinik aqqanilinnik itissusilimmiippoq, Mogens Mortensen oqarpoq.

Ukioq manna angutit isikkamik arsaallutik arsaattarfittaaq pissartanngorniuffiigisussaagaluarpaat, unammersuarnissarli taamaatiinnarneqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat