Meeqqat inuusuttullu aputaajaasut: Ivikkani arsarsinnaalingajannissartik neriuutigigaat

Ilulissani timersortartut holdit marluk arsaattarfittaassap ivigaasalersorneqarnissaa aallartipallanniassammat nammineq kajumissutsiminnik sapaatip-akunnerata naanerani aputaajaapput.
Arsaattarfittaassap naammassineqarnissaanut sila apeqqutaaginnartoq, kommuni allappoq, arsaattarfilli kingusinnerpaamik juunip naanerani atoqqaarfissiortinneqarnissaa naatsorsuutigaa. Assi © : KNR
Allattoq Ivik Kristiansen
apriilip 29-at 2020 14:02
Nutserisoq Connie Fontain

Ilulissani meeqqat, inuusuttut inersimasut timersortartut arsaattarfittaassamq sapaatip akunnerata naanerani aputaajarpaat. Taakku ivigaasalersuinerup naammassilertupallannissaa pissutigalugu taamaaliorput.

Avannaata Kommunia nittartakkamini allappoq.

Ilulissani timersortartut peqatigiiffiata, N-48-p inuit arsaattarfissami aputaajaanissamut ikiuuteqqullugit kajumissaarpai. Kajumissaarinermi inuit 60-it missaanniittut takkupput.

Taakku holdinut marlunnut agguarneqarput, holdi siulleq arfininngornermi aputaajaasoq aappaa sapaammi aputaajaavoq.

- Arsaattartut tapersersuisullu arsaattarfissap naammassinissaa assorsuaq qilanaaraat. Neriuutigaallu taamannak nivanneq arsaattarfiup siusinnerusukkut naammassineqarnissaanut iluaqutaajumaartoq, N-48-mi siulittaasoq, Lena Ravn Danielsen, oqarpoq.

Avannaata Kommunia arsaattarfissami aamma aputaajaavoq.

Arsaattarfittaassap naammassineqarnissaanut sila apeqqutaaginnartoq, kommuni allappoq, arsaattarfilli kingusinnerpaamik juunip naanerani atoqqaarfissiortinneqarnissaa naatsorsuutigaa.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk