Marc Fussing Rosbach Innersuarmik nersornaaserneqartoq
Nersornaatip aappaa inuusuttumut neriunaatilimmut tunniunneqarpoq. Nersornaasigaasorlu taama pineqarnissamik ilimasussimanngikkaluarluni KNR-imut oqarpoq.
- Tassuuna taariasaarpaannga nalusannik, taava sunaaffa toqqaasimasut innersuannattussamik. Taava tassani tupangaarama toqqagaasimallunga sajuttuinnaallunga nuannertorujussuuvoq unnuk taanna, Innersuarmik nersornaaserneqartoq Marc Fussing Rosbach, filmiliani "Tarratta nunaanni" pillugu nersornaaserneqartoq taama oqarpoq.
Festivaalip naammassilluarnera aaqqissuisumit nuannaarutigineqarpoq tulluusimaarutigineqarlunilu.
AAMMA ATUARUK Mine egne følelser er blevet til filmen Anori
Marc Fussing Rusbach Filmiliornermini suliat tamaasa kisingajalluinarmik suliarimmagu, assersuutigalugulu assiliisutut, isiginnaartitsisartutut, qarasaasiamillu aalasuliorsimanera aamma Nuuk International filmfestivalip nersorusukkaa, aaqqissueqataasoq oqarpoq.
- Kisimiilluni suna tamaat filmilioramiuk, Nersorneqassagami taanna maligassiuisoq, Filmfestivaalimik aaqqissueqataasoq Pipaluk K. Jørgensen taama oqarpoq.
AAMMA ATUARUK Filmfestival gør Grønland mere kendt
Aamma Marc Fussing Rosbachip nersornaasernera suleqqinnissamini suleqateqarniissaanik kaammattuutaasoq, taanna oqarpoq.
Marc Fussing Rosbachilumi suleqateqarumaarluni oqarpoq:
- Maluginiarpara aamma prisinnassimagaangamik inuit suleqatigineqarnissaminnut tatigineqarnerusartut, neriuppunga aamma arlaatigut iluaqutaassasoq soorlu aningaasanillunniit qinnuteqarnissamut filmiliornissamut, Marc Fussing Rosbach taama oqarpoq.
Nersornaaserneqartup aappaa tassaavoq 86-inik ukiulik Canadami nunat inoqqaavisa Abinacit ilaat Alanis Obomsawin filmliortut ilitsersuisuattut ataqqiinaammik nersornaasernerqarpoq. Taanna amerikami avannarlermi nunat inoqqaavisa arnartaat pillugit 1977-imi ilaatigut piviusulersaarusiornikuuvoq.
Marc Fussing Rosbach filmiliani "Tarratta nunaanni" oktoberimi Torontomi filmfestivalertoqalerpat takutikkiartussavaa.
AAMMA ATUARUK Filmfestivalertoqarnissaanut pilersaarutit saqqummiunneqarput
Marc Fussing Rosbachip filmiliaa "Tarratta nunaanni" Torontomi oktoberimi filmfestivalertoqalerpat takutikkiartussavaa.
