Angut aapparminut toqutsitut tigummigallarneqartoq
Arnaq toqutaasimasutut nalilerneqartoq Qaanaami siumorneqarpoq. Sermitsiaq.AG taama allaaserisaqarpoq.
Tallimanngormat unnuakkut nalunaaqutaq marluk missaanni pasinartumik toqusoqarsimasoq, Qaasuitsup Kommuniani politeeqarfiit aqutsisoqarfianni aqutsisup, Sermitsiaq.AG-mut uppernarsarpaa.
Arnaq inissiami nassaarineqarpoq, inooqataalu aamma inissiamiilluni. Arnap inooqataa politiinit tigusarineqarpoq. Sebastian Bech, Ilulissani politiineersoq, taama oqarpoq.
- Najugaqarfimmiippoq, misissuinermullu atatillugu tigusarinnittoqarluni, Sebastian Bech oqaproq.
Aappariit meeraqarnersut politiit ilisimatitsissutigerusunngilaat, isumaginninnermulli siunnersorti najugaqarfimmut orniguttariaqarsimasoq nalunaarutigineqarpoq.
Angut tigusarineqartoq inatsit tunngaviusoq naapertorlugu killisiorneqareerpoq, ullunilu 27-ni tigummigallagassanngortinneqarluni. Angut pinngitsuunerarpoq.
