Malittarisassat qanorluunniit paasiumagaanni

Qorlortorsuarmi erngup nukinganik nukissiorfiup sanananeqarneranut aningaasartuutit matussuserneqartussaammata, Attaveqarnermut Naalakkersuisoq Jens B. Frederiksen Inatsisartunut ilaasortap Naaja Nathanielsenip IA-meersup paragraf 37 najoqqutaralugu apeqquteqaataanut akissuteqarluni taama allappoq.

Naaja Nathanielsenip erseqqissumik paaserusullugu apeqquteqarpoq,  Namminersorlutik Oqartussani maleruagassamik aalajangersagaqarnersoq Narsami Qaqortumilu innuttaasut akiliisariaqarnerisa pinngitsoortinneqarnissaanut. 

Taama pisoqarnera Naaja Nathanielsenip decembarip qaammataani ingasagalugu oqarpoq, Nukissiorfiup kukkussutai pissutaallutik immikkut akiliisoqartariaqarmat.

Jens B.Frederiksenip akissuteqarnermini maleruagassat Nukissiorfimmit malinneqartut oqaatigaa, tassalu assigiimmik akeqartitsinermi periuserineqartoq malinneqarmat. Tassani allassimavoq nunaqarfinni illoqarfinnilu Nukissiorfiit pilersuiffigisaanni atuineq malillugu Nukissiorfiup aningaasartuutaani ersersinneqartussaasut.

Qorlortorsuarmi erngup nukinganik nukissiorfiup sananeqarneranut saqitsaannermut Nukissiorfik ajorsassagaluarpat, tamanna 300 millionit koruuninik akeqarsinnaavoq.