Mala Høy Kúko Siumumi ilaasortanngortoq
Mala Høy Kúko Siumumi ilaasortanngortoq Kim Kielsenip nalunaarutigaa. Atassut Inatsisartuni, Kommuneqarfik Sermersuullu kommunalbestyrelsiani taamaalinikkut ilaasortaatitaqarunnaarpoq.
Allattoq Mads Lynge
septembarip 25-at 2017 17:27
Mala Høy Kúkop Atassummit tunuarnini septembarip ulluisa 21-anni nalunaarutigaa, Atassut Inatsisartuni, Kommuneqarfik Sermersuullu kommunalbestyrelsiani taamaalinikkut ilaasortaatitaqarunnaarpoq.
Kim Kielsenillu maanna nalunaarutigaa Mala Høy Kúko Siumumi ilaasortanngortoq. Mala Høy Kúkop Demokraatit sapaatip-akunnerata siuliani aamma oqaloqatigigai KNR-imi tallimanngormat oqaluttuaraarput.
Mala Høy Kúkolli Siumumi ilaasortanngornissaa, Siumumi siulersuisuunerit maanna akuersissutigaat.
Mala Høy Kúko kommunalbestyrelsimi Inatsisartunilu ilaasortaavoq.
