Mafiat Casa Nostrat siuttuata kræfteqarnini toqqutigigaa
Angut Italiami tusaamanerlugaanerpaanut ilaasoq, Siciliamiu pinerlunniaqatigiit mafiat Casa Nostrat siuttuat, Matteo Messina Denaro, Italiami parnaarussaaffimmini toquvoq.
Italiami borgmesterit ilaata tamanna ataasinngornermi uppernarsarpaa.
Denaro ukiuni 30-ni ujaarineqareerluni januaarimi tigusaavoq.
Siciliamiu 61-inik ukiulik Matteo Menassi Denaro, Diabolikutut aamma ilisimaarineqartoq, inaluarsuarmigut kræfteqarluni toquvoq. Illoqarfimmi Palermomi nakorsiartarfimmiittoq politiinit tigusarineqarpoq.
Denaro eqqartuussisumik mafianik malersuisumik 1992-imi toqutseqataasimasutut pasineqartoq, inuunermi sinnerani parnaarussassanngortinneqarpoq.
Matteo Menassi Denaro illoqarfinni Firenzemi, Romami Milanomilu 1993-imi qaartartumeerinernut, inuit qulit inuunerannik naleqartunut, aamma ilaasimavoq.