Múte Qeqertarsuarmi innuttaasunik ataatsimiititsilersoq
Attaveqaqatigiinnermut naalakkersuisuugallartoq Múte Bourup Egede, Inuti Ataqatigiinneersoq, akisussaaffimmut nutaamut atatillugu sapaatip-akunnerata tulliani Qeqertarsuarmukassaaq, innuttaasunik tassani ataatsimeeqatiserinninniarluni.
Allattoq Karsten Sommer
februaarip 02-at 2017 07:04
Nutserisoq Mads Lynge
Angallannermi sullissinissamik isumaqatigiissutit Qeqertarsuarmi innuttaasut suleqatigiit saaffiginnissutaat innuttaasut ataatsimeeqatigineqarneranni eqqartorneqassapput.
Innuttaasullumi saaffiginninnerat naalakkersuisup Múte Bourup Egedep akissuteqarfiginiarpaa:
- Suleqatigiinneq paaseqatigiinnerlu ingerlariaqqinnissamut aqqutissiuisarmata, innuttaasut ataatsimeeqatiginissaannut qilanaarluni, Attaveqaqatigiinnermut Naalakkersuisuugallartup oqaatigaa.
Qeqertarsuarmi innuttaasut katersortarfimmi februaarip ulluisa arfineq-aappaanni unnukkut nalunaaqutaq arfineq-marluniit siumut ataatsimeeqatiserineqarput.
