London Mining indiamiut pisiarissallugu soqutigigaat
London Miningip, Nuup avannaatungani Isuani saviminermik piianissamut akuersissuteqartup, piffissap sivikitsup ingerlaneriinnaani aningaasaatimi ilarujussui annaasimavai.
Tamanna savimerngup akiata appariartuinnarneranik ilaatigullu Sierra Leonemilu, suliffeqarfiup piiaaviisa annersaata inissisimaffigisaani nappaatip ebolap tunillaassuutilersimaneranik peqquteqarpoq.
AAMMA ATUARUK London Mining aningaasatigut ilungersunartorsiortoq
Tamatuma malitsigisaanik aatsitassarsioqatigiiffiup aktiaatai Londonimi børsimi nalikillerujussuarsimapput. Nutaarsiassaqartitsiviilli arlallit naapertorlugit, Indiami suliffeqarfiit savinermik nioqquteqartut annersaata pingajuat JSW suliffeqarfiup pisiarinissaanik soqutiginnippoq.
Suliffeqarfiulli tunineqarnissaa ilumoornersoq London Miningimit Indiamilu suliffeqarfimmit JSW-mit uppernarsarneqarsimanngilaq.
AAMMA ATUARUK London Mining A/S-imut atuisinnaanermut akuersissut Naalakkersuisut atsiortussanngorpaat