PITUFFIK Liberal Alliance: Namminersorlutik Oqartussanik apeqqusiipput

Partii taanna isumaqarpoq, Namminersorlutik Oqartussat Greenland Contractorsinut piginneqataanertik isumaliutigisariaqaraat.

- Liberal Alliancemi paasissutissat pissarsiarinissaat tamaviaarutiginavianngilarput, partiip Nunarput pillugu oqaaseqartartua Carsten Bach oqarpoq.

Danskit Nunanut allanut tunngasunut ministeriat taamaalilluni partiimit tassannga ilalerneqarpoq, oqarami Nunanut allanut tunngasunut ministereqarfik Pituffik pillugu paasissutissanik saqqummiissanngitsoq.

- Suliffeqarfiit sullissinissamut neqerooruteqarsimasut pillugit paasissutissat illersorniarlugit taama iliortoqartariaqartoq, Carsten Bach oqarpoq.

Piginneqatigiit katitigaanerat ajunnginnersoq nalilersoqqittariaqarpoq

Taamaa iliorput naak, Nunanut allanut tunngasunut ministereqarfiup Namminersorlutik Oqartussallu akornanni sulinermi kukkusoqarsimarpasikkaluartoq.

- Ministereqarfiup, Namminersornerusut Greenland Contractorsillu aqutsisuisa akornanni nalilersuisimanissaat aamma naatsorsuutigigatsigu taama isumaqarpugut.

- Greenland Contractorsit pingajorarterutaannik Namminersornerusut piginneqataanerat ajoqutaanersoq iluaqutaanersorluunniit piginneqatigiiffiup sullissinissamut neqerooqqinnissaminut nalilersuinermini aamma eqqarsaatigisariaqaraa, Carsten Bach oqarpoq.

- Iluanaarniarluni sullissinissamut siunissami neqerooruteqarniaraanni nalilersorneqartariaqarpoq piginneqatigiit katitigaanerat ajunnginnersoq. Greenland Contractors nalilersuinissaanni naatsorsuutigaara piginneqatigiiffik siunissami sullissilernissamut qanilliallakkumaartoq, Cartsen Bach naggasiivoq.

Nunatta, Danmarkip USA-llu akornanni attaveqatigiittarsimanernut tunngasut naalakkersuisut saqqummiuttariaqaraat, Dansk Folkepartiip aamma Enhedslistenip aalajangiusimavaat.