TAKSØEP NALUNAARUSIAA Politikki ataatsimoorussaq pillugu oqaloqatigiinneq ammasoq
Naalagaaffeqatigiit nunarsuup sinneranut 2030-ip tungaanut politikkissaata ilusilernissaanut uniffik kingulleq suli inissinneqanngilaq.
Lars Løkke Rasmussen Folketingimi ullumi akunnermi apeqqarissaarfimmi taama oqarpoq.
- Folketingi, inuussutissarsiortut, suliniaqatigiiffiit, suliniaqatigiiffiit naalakkersuisutiguunngitsut Peter Taksøe Jensenip saqqummiussaanut peqataatikkusuppavut. Soorunalumi saqqummiunneqartussanut soqutiginnippugut.
Aamma atuaruk Aleqa isornartorsiuisoq – Espersen nersuivoq
Aamma atuaruk Inuit Ataqatigiit Taksøep nalunaarusiaa nuannaarutigaat
Suleqatigiinneq pitsaanerusinnaavoq
Taksøep nalunaarusiaani nunanut allanut politikkissatut unnersuussutigineqartut taamaallaat danskit Issittumut soqutigisaannik imaqarnerarlugit Naalakkersuisunit isornartorsiorneqaraluarput.
Tamannalu akunnermi apeqqarissaarfimmi folketingimut ilaasortap Aleqa Hammondip aamma erseqqissaatigivaa.
- Taksøep nassuiaataani erseqqissarneqarpoq siunissaq isigalugu danskit inuiqatigiittut soqutigisaat ukkatarineqarnerusariaqartut. Kalaallit Nunaata Savalimmiullu naalakkersuisui eqqaaneqanngilluinnarput. Issittorluunniit pillugu immikkoortumi.
Ministeriunerulli isornartorsiuineq akueriumanngilaa, nunanut allanut politikki Issittumilu ineriartorneq pillugu Kalaallit Nunaat Savalimmiullu oqaloqatigiuartaramikkit.
Løkkelli eqqortuunerarpaa nunat taakku pingasut akornanni suleqatigiinnerup pitsanngorsartuartariaqarnera. Taamaammallu atorfilittagut peqatigalugit tamanna maajip naanerani oqallisigissavarput, Lars Løkke Rasmussen oqarpoq.
Aamma atuaruk Danskit illersornissaqarfiat imatut nukittorsarneqassaaq
Aamma atuaruk Illersornissaqarfiup Issittumi suliniutai nukittorsarneqarlik