Kuupik V. Kleist: Isummagut assigiipput
- Kalaallit Nunaata illuinnaasiorluni nammineq arfattassanik pisassiilluni aalajangernera , Danmark-imi naalakkersuisunit paasineqarpoq, Kuupik V. Kleist oqarpoq. Taassuma ilanngullugu oqaatigaa, arfanniarnissamut tunnngaviit akuersaarneqartut, tassalu nungusaataangitsumik aammalu ilisimatuussutsikkut paasisat tunngaavigalugit arfatassiinermi aalajangiisuulluinnartuusut.
Taassuma erseqqissaatigaa Kalaallit Nunaata Arfanniarneq pillugu ataatsimiititaliarsuaq avaqqulugu arfattassanik qulinik ilasinera, arfanniarneq pillugu ataatsimiititaliarsuarmit ilaasortaajunnaarnissamik siunertaangimmat.
- Ataatsimiititaliarsuaq nukittorsarusupparput, atuuffissaminullu atuunnissaa assorujussuaq kissaatigalutigu. Allatorujussuaq ineriartortoqassappat - tassalu arfernik eqqissisimatitsineq kisiat siunertarineqassappat tamanna allarluinnnaavoq, Kuupik V. Kleist oqarpoq.
Aalisarnermut piniarnermullu Naalakkersuisoq Ane Hansen ilisimatitsivoq, Kalaallit Nunaata arfanniarneq pillugu ataatsimiititaliarsuaq avaqqullugu ukiormannamut arfatassiinera, qulinillu ilasineranut IWC-mut allakkiaq, Damark peqatigalugu maannakkut ilusilersorneqartoq.