Kunngi Frederik Nuummut tikittoq
Kunngi Frederik Nuummut tikippoq. Kunngi Frederiup naalakkersuisut siulittaasuat Jens-Frederik Nielsen (D) tikeqatigaa.
Pilersaarutaagaluarpoq ippassaq Nuummut tikinnissaa, silali peqqutaalluni tikissinnaasimanngilaq. Taamaammat angalanissaanut pilersaarutit aamma allannguuteqarput.
Pilersaarummi siullertut kangerlummut angalaassaaq. Kapisilinnut angalasussaagaluarpoq, tamannali taamaatiinnarneqarpoq.
Kunngi Frederik Katuami nalunaaqutaq pingasunut tamanut ammasumik kaffillernermi peqataassaaq. Tassani Kunngip ilassinissaanut periarfissaassalluni.
Tamatuma kingorna Nuup timaanut pisuttuassaaq, unnukkut naalakkersuisut peqatigalugit, Hans Egedep Illuani Jens-Frederik Nielsen qaaqqusisoralugu nereqatigiinnginnerminni.
Ilisimatusarfimmi ilinniakkami nutaami SILA-mi ilinniartut aqagu pulaassavai.
Station Nord tikeraartussaagaluarpaa taamaatiinnarneqarporli. Kunngip qaqugu Danmarkimut angerlaqqinnissaa pillugu, kunngikkormiut nittartagaanni pilersaarutini allaqqasoqanngilaq.
