Kujataani savaatillit hiistiutaat pingasut perlerornermik toqquteqarput
Savaatillit qimmiutaat perlerornermut akiuussutissamik kapineqartuaannarput maannalu aamma hiistit kapineqartalissapput. Savaatillit peqatigiiffianni siulittaasup Frederik Frederiksenip oqaluttuaraa hiistit pingasut toqusimasut taakkualu perlerornermit pissuteqarlutik toqusimassasut.
- Upernaaq histinik perlerortunik toqusoqarnikuuvoq. Taava aamma maana timaani histit marluk toqusimasut nalaatarineqarput, ilimagaarput perlerornermut aamma toqussuteqarsimasut, Savaatillit peqatigiiffianni siulittaasoq oqarpoq.
Aamma atuaruk Piniartut umimmaat nunamut qimaannarpaat
Savanik savaaqqanillu katersineq aallarteqqqammerpoq taakkualu perlerornermik tunillatsissimanissaat maannangaaq paasineqarsinnaanngitsoq Frederik Frederiksen oqarpoq.
Inuit perlerornermik tunillatsinnginnissaat qulakkeerniarlugu savaatillit qimmiutaat akiuussutissamik kapineqartarput. Hiistit akiuussutissamik kapineqassasut uumasut nakorsaat maanna aalajangerput.
- Uumasut inunnut qaninnerpaasut tassalu savaatillit qimmii aamma hiistit perlerornermut akiuutissamik kapineqarput uumasuuteqartut illersorneqarniassammata, uumasut nakorsaat Sanne Eline Wennerberg
Aamma atuaruk Tasiilami qilalukkanik qernertanik pisassiissutit ilaneqartut
Savat savaaqallu maanna katersorneqarput savanillu toqoraavimmut Narsamiittumut Neqi A/S-imut assartorneqarlutik. Savat perlerortut ingerlaannaq paasineqarsinnaasarput taamaattumillu savanik toqoraavimmut nassiunneqartaratik. Savat savaaqqallu toqoraavimmut apuunneqartut uumasut nakorsaanit misissorneqartarput, taamaatttumik aarlerinartoqanngitsoq Frederik Frederiksen oqarpoq.
- Savat savaaqqallu perlerornissaat naatsorsuutigisariaqanngillat, savaarniarnermi savat ajoquteqarnerat savaatillit tamanna pasitsaatereersimassavaat, taava aamma savat savaaqqallu toqoraavimmut apuunneqarnerini uumasut nakorsaannit misissorneqartussaammata, tamanna aarlerineqartutut isiginngilara, Savaatillit peqatigiiffianni siulittaasoq Frederik Frederiksen taama oqarpoq.
Aamma atuaruk Neqimi ukiormanna toqoraaneq naammassilluartoq
Uumasut nakorsaata Sanne Eline Wennerbergip oqaluttuaraa uumasut perlerornermik tunillassimasut nerigaanni napparsimalertoqarsinnaanngitsoq erseqqissaatigaali uumasut napparsimasut nerineqassanngimmata.