Piniartut umimmaat nunamut qimaannarpaat

Aqutsiveqarfimmi Siggummi umimmaat aallaaneqarsimallutik toqungasut qimaannakkat arlallit Piniarnermi nakkutilliisup Upernavimmeersup naammattoorsimavai. Piniarnemillu nakkutilliisup takusai narrujuummibnarsimaqisoq Piniarnermut Naalakkersuisoqarfimmi immikkoortoqarfimmi pisortaq Nuka Møller Lund oqaluttuarpoq . 
-Umimmaat pineqartut ilivitsuutillugit qimanneqarsimapput tassani piffimmi piniarfiup ilaanni, Nuka Møller Lund taama oqarpoq. 

Aamma atuaruk Kullorsuarmiu: Qilalukkanik asuli pineq nuanninngilaq

Neqinik nunamut qimatsiinarneq ileqqorissaarnerunngilaq, taamalu qimatsiinnarneq inatsisinik unioqqutitsineraluni. 
-Umimmaat katillugit pisarineqarsimasut ilaannaat nassarneqarsimapput ilaalu qimaannarneqarsimapput ilivitsut.
Kikkut taama iliortuusimassanersut pasineqarput, Nuka Møller Lundillu oqaatigaa suliaq politinut  ingerlateqqissimagitsik. Siggummi umimmanniarnissamut akuersissutit pilerigineqarlutik pagganneqartarput, taamaammallu makitsilluni pisassiissoqartarpoq. Umimmaalu neqaasa qimaannakkat saniatigut, aamma pisassat sinnerlugit pisaqartoqarsimavoq.

Aamma atuaruk Piniartut ataasiakkaat umimmanik amerlasuunik pisaqartarput

Pisaqartut neqinik pisaminillu sooq taama qimatsiinnarsimanerat Nuka Møller Lund eqqoriarsinnaangilaa.
- Immaqa piniarnermi tiguartinneq tassani umimmanniarnermi peqqutaasinnaavoq, taavalu akuersissutit nassarneqartut qassiunersut puujorlugu. Kisianni aamma ilimagaara neqi suna perusunnerlugu nalukannersimassavaat, Piniarnermut Naalakkersuisoqarfimmi immikkoortoqarfimmi pisortaq Nuka Møller taama oqarpoq.