Kujalleq: Meeqqanut tunngasuni ukiup affaani ikiussavaat
Qitiusumik Siunnersuisarfik qaammatini arfinilinni kommunimi meeqqat pillugit suliassanik ikiuutissaaq inunnillu isumaginnittoqarfimmi suliassanik suliarinninnermi nukittorsaalluni, siunnersuisoqarfimmi pisortaq Arnajaraq Poulsen oqarpoq:
- Qitiusumik siunnersuisarfimmit ikiuuttussaassuugut, meeqqanut sullissinermut tunngasut assigiinngitsut, suliat qanoq isumaalunnartiginersut immikkoortiterlugit, qanimut ilinniartinnerit supervision (ikorfartuineq, aqqutissiuussineq) ilaalu ingerlattussaassapput, Arnajaraq Poulsen oqarpoq.
Aamma atuaruk Kommune kujalleq annertunerusumik ikiugassaavoq
Suliassat amerlassusaat ilisimaneqanngitsut
Suliallu suliarineqaratit uninngaannartut qanoq amerlatigineri nalunaarutigisinnaanngilai.
Suliassalli naammassineqanngitsut 1100-ut inunnik isumaginninenrmik ingerlatsivimmi uninngaannartut, Kommunip isumaginninnermi pisortarigallagaata Peter Sonbergip oqaatiginikuuaa.
Isumaginninnermilu suliassat kommunini agguaqatigiissillugu nalinginnaasumik 800-juusarput.
Aamma atuaruk Kujalleq: Suliassat 1100-t Namminersorlutik Oqartussat ikiorsiullugit suliarineqassapput
Kommuni Kujalliup qitiusumik Siunnersuisoqarfimmik, siorna novemberimi pilersinneqartumik, siullermeerluni isumaqatigiissuteqarpoq.
Taamaaliorput, naalakkersuisut kommunini 2014-mi 2015-mi sakkortusisamik nakkutilliartortareersullu, taakkunani ersersinneqarluni, meeqqanut angerlarsimaffiup avataanut inissinneqarsimasunut iliuusissatut pilersaaarusiornissaq amigaataasoq taavalu meeqqanik inuusuttunillu sumiginnaasoqaqisoq.
Aamma atuaruk Kommune Kujalleq Naalakkersuisunut ikioqquvoq
