ASSIT Kunngissaq Frederik nulialu Mary pisortatigoortuunngitsumik tunumi tikeraarput
Kunngissakkut assingi ippassaq marlunngornermi ualisoq Mittarfeqarfinnit saqqummiunneqarmata, ulluni makkunani Tunumi pisortatigoortuunngitsumik tikeraartut paasinarsivoq.
Allattoq Karsten Sommer
apriilip 29-at 2015 10:03
Nutserisoq Andrea Christiansen
Mittarfeqarfiit Facebookimi ima allapput:
Kunngissakkut tupaallannartumik maannakkut Nunatsinni mittarfiit minnersaanni Nerlerit Inaanni pisortatigoortuunngitsumik tikeraarput. Kunngissakkullu qimussimik Danmarkshavnimut avannarpartissapput.
Kunngissakkut kalaallit peqatigalugit Tunumi mittarfeeqqami seqinnisaartut assingi Facebookimi takusassiarineqarput
Qanoq sivisutigisumik tikeraarnersut nalunaarutigineqanngilaq.
Kunngikkormiut nittartagaatigut takuneqarsinnaavoq kunngissakkut pisortatigoortumik maajip tallimaanni sassarumaartut, tassani Københavnip oqaluffissaarsuani Danmarkip aniguisitaaneraniit ukiut 70-inngortorsiorneranut atatillugu eqqaaniaalluni naalagiaqatigiinnermi kunngissakkut peqataassapput.
