Tusagassiuut: Canada Nuummi konsuuleqarfittaarpoq
Canadamiut Nuummi konsuuleqarfittaavat Islandimiut konsuuleqarfiannniippoq, illoqatigiillutik.
Canadap nunanut allanut tunngasunut naalakkersuisuata Anita Anandip novembarimi konsuuleqarfitaaaq atoqqaarfissiortittussaagaluarpaa. Taamannali silarlummat taamaatinneqarpoq. Maannali konsulaati atorneqalereerpoq.
Allattoq Markus Valentin
januaarip 23-at 2026 13:06
Nutserisoq Miki Fleischer
Canada Nuummi konsuuleqarfittaarpoq
Canadami nutaarsiassaqartitsivik Nunatsiaq taama allappoq.
Konsuuleqarfittaap atoqqaarfissiornera novembarimi pilersaarutaagaluarpoq. Silap ajornera pissutigalugu tamanna taamaatinneqarpoq.
Canadap nunanut allanut tunngasunut naalakkersuisuata Anita Anandip Vivian Motzfeldt aamma Lars Løkke Rasmussen peqatigalugit konsuuleqarfittaap atoqqaarfissiornissaa pilersaarutaagaluarpoq
Taamaattoq pilersaarutigineqartoq taarserlugu Canadap issittumut ambassadøriata Virginia Mearnsip Ingiulik Nunavut Shipping Summitimi konsuuleqarfik ammaraa Nunatsiap allappoq.
Canadap konsuuleqarfittaava Islandimiut konsuuleqarfianniippoq, illoqatigiillutik. Illu Nuuttoqqap ilaaniippoq.
