Korneliussen Statens Kunstfondimit eqqumiitsuliornermut tapiisutinik 855.000 koruuninik taperneqartoq
Atuakkiortoq Niviaq Korneliussen Statens Kunstfondimit eqqumiitsuliornermut tapiisutinik 855.000 koruuninik taperneqarpoq.
Taassumalu taperneqarnini pingaaruteqarluartutut isigigamiuk nuannaarutigingaarpaa.
Naalagaaffiup Eqqumiitsuliornermut aningaasaateqarfiani atuakkiornermi legatinut ataatsimiititaliaq:
Atuakkkiornerup iluani pilersitsinermik eqqumiitsuliortunut legatinik tapiissutinillu agguaassisartut.
Qinnuteqartup eqqumiitsuliornermi suliai ataatsimooortillugit tunuliaqusiullugit tapiissutit tunniunneqassapput.
Ukiunut pingasunut sulinermut legati katillugit taassaassaaq 855.000 kr.
Tusarfik: Statens Kunstfond
- Ukiuni pingasuni taperserneqarnera atuakkiortutut sulininnut pingaaruteqartukuluvoq. Namminersortuugama aningaasat kaaviaartinnissaat ilaanni ajornartarnermik, suliassanik allanik allnnermut tunnganngitsunik suliaqarniarsarisariaqartarpunga, soorlu nutserineq.
- Kisianni taama taperneqariarama eqqissillunga ernumassutissaqarpallaarnanga ukiuni pingasuni atuakkiorsinnaanngorpunga, atuakkiorninnilu piffissaqarluarlunga eqqarsarluarsinnaanissannullu piffissarujussuaq atorsinnaallugu, Niviaq Korneliussen KNR-imut oqarpoq.
AAMMA ATUARUK Korneliussen: Tusaaneqarneq ajortut tusarneqarnissaannut akisussaaffeqarpunga
Niviaq Korneliussenip ukiuni pingasuni tapiissutisnissani ilimagisimannginnermik ukiup sinneranut pilersaarusiulereeraluarpoq, taamaakkaluatorli:
- Taama tunitipiloornissara ilimaginnginnikuunermik - tassami ukiuni pingasuni taperserneqassallunga ataaseriaannarlungaluunniit eqqarsarnikuunngilanga – taammaammat ukiup sinneranut pilersaaruteqangaatsiarpunga, allassinnaaniassagamali pilersaarutit ilaat taamaatiinnartariaqassavakka.
- Kisianni atuakkiamma aappassaat Naasuliardarpi saqqummermalli nutaamik aallartitsinikuuvunga, kisianni massakkut ulapputiginagu sukumiisumik suliarisinnaanngorpara. Soorunami allaqattaaginnaavissuunga,