Korea Kujallermi qimmit neqaanik nerineq inerteqqutaalissasoq
Korea Kujallermi qimmit tunisaanerat nerineqartarnerallu 2027-mi aallartittumik inerteqqutaalernissaa pillugu inatsisissatut siunnersuut Korea Kujallermi inatsisartut marlunngormat aalajangiiffigaat.
Korea Kujallermi ukiuni hundredelikkaani ileqqoq atorunnaassaaq.
Korea Kujallermi aasakkut kiannerata nalaani isugutattarnerujussua pillugu qimmit neqaannik nerinikkut iluaqutigineqartutut isigineqartarsimavoq.
Korea Kujallermi qimmit neqaannik nerisaqartarneq qaqutiguulersimavoq maannalu annerusumik utoqqarnit nerineqatarlutik.
Qimmit uumasuutigineqartarnerat Korea Kujallermi nalinginnaanerulersimavoq, qimmillu nerisassanngorlugit toqunneqartarnerisa isornartorsiorneqartarnerat annertusisimalluni.
Qimmit nerisassanngorlugit toqunneqartarnerisa inerteqqutaalernissaat, qimmiisivinnut 3500-nut kinguneqartussanngorpoq, taakkunamini qimmit 1,5 milliiuunit kinguaassiortinneqartarput.
Aamma Korea Kujallermi tamarmi neriniartarfinnut 3000-it missaanniittunut kinguneqassaaq.