Korea Kujallermi præsidentiujunnaarallartitaq Yoon misissuisitanit tigusarineqartoq
Korea Kujallermi præsidentiujunnaarallartitaq Yoon Suk-yeol unnuaq tigusarineqarpoq.
Korea Kujallermi misissuisitat taama ilisimatitsisut, nutaarsiassaqartitsivik AFP allappoq.
Korea Kujallermi sukannersumik naalakkersuisoqalernissaanik Korea Kujallermi præsidentip siorna decembarip aallartisimalaarnerani sivikitsumik atuutilersitsigaluarnera pissutaalluni pisumik misissuisitsisoqalerpoq, misissuisullu præsidentiujunnaarallartitaq maanna tigusaraat.
Yoon Suk-yeolimik tapersersuisut 6500-t missaat taassuma tigusarineqannginnissaa pillugu assersuigaluarlutik angerlarsimaffiata silataani katersuussimapput.
Misissuisitat Yoon Suk-yeolip najugaqarfianut isernialermata majuartarfiit atorlugit præsidentiujunnaarallartitap najugaanut iserput. Korea Kujallermi nutaarsiassaqartitsivik Yonhap taama allappoq.
Misissuisitat politiillu Yoon Suk-yeol aappassaa maanna tigusariniarsaraat. Januaari aallartisimalaaginnartoq aamma tigusariniarsaraat, iluatsinngitsumilli.
Yoonimmi tigusarineqarnissaa sakkutuut taamanikkut pinngitsoortippaat.
Misissuisitanit killisiorneqarsinnaanissamut akuersisimalluni, præsidentiujunnaarallartinneqartup unnuaq oqaatigigaa, nutaarsiassaqartitsivik Reuters allappoq.
Misissuisoqarnera inatsisinik unioqqutitsinerusoq, taassuma oqaatigaa aattalimmillu eqqissiviilliortoqalinnginnissaa pillugu killisiorneqarsinnaanissani akuerisimanerarlugu.
