Korea-Kujallermi eqqartuussivimmut Yoon sassartinniarneqaraluarluni pinaasertoq
Korea-Kujallermi nunap eqqartuussisoqarfiani nunami præsidentitut tunuartitaasoq unnerluunneqartorlu Yoon Suk-yeol sassartinneqarfissaminut ornigunnianngilaq, unnerluunneqarpoq pissaanermik atornerluisimasutut pasineqarami.
Taama illersortaa nutaarsiassaqartitsivik AFP-mut nalunaarpoq.
Illersortaata oqarnera naapertorlugu, eqqartuussisoqarfimmi sillimaniarnikkut iluamik piareersartoqarsimannginnera ernummataammat taama præsidentitut tunuartitap onrigutinnginneranut peqquteqarnerarpaa.
Eqqartuussivimmut sassarnissamut sutigut sillimaniarnikkut unammillernartoqarnera Yoonip illersortaata ersarissumik oqaaseqarfiginngilaa.
Eqqartuussineq siulleq marlunngornermi ingerlanneqassasoq pilersaarutaavoq.
Pilersaarutit naapertorlugit tallimariarluni januarip ulluisa 14.-anni aamma februarip ulluisa sisamaanni eqqartuussutit ingerlanneqassapput. Eqqartuussinerit Yoon najuuppat najuutinngikkaluarpalluunnit ingerlanneqassapput.
Pinerluttoqarsimaneranik paasiniaasartut eqqartuussivimmut sassartinnissaa ataasiaannaratik naalakkiutigaat, tamanna paasiniaaqqissaarnermut tunngatillugu noqqaassutaasoq, præsidentitut tunuartitap ilaginnarpaa.
Yoon malittuinnarnik taama eqqartuussivimmut sassartinniarneqarniarnermi pinaarsermat, decemberip naaneraniilli tigusarineqarnialerpoq.
Tigusarineqassappat Korea-kullerup præsidentianik oqaluttuarisaanermi siullerpaamik taama atorfimmi issiatitamik tigusarinnittoqassaaq.
