USA Rusland eqqisseqatigiinnissamut isumaqataanngippat Ukrainemi sakkutuuleerataannaanerartoq
Ruslandip præsidentia, Vladimir Putin, Ukrainep piffissamik ungasissumi namminersortuunissaanik qulakkeerinnittumik eqqisseqatigiinnissamik isumaqataarusunngippat, USA Ruslandimut pillaatitut iliuuseqarsinnaavoq - aamma sakkutooqarnikkut.
USA-p præsidentiata tullersortaa, J.D. Vance, The Wall Street Journalimit apersorneqarluni taama oqarpoq.
Naalagaaffiit kiisalu naalakkersuisut siulittaasui sillimaniarneq pillugu Tysklandip kujasissortaani Münchenimi tallimanngornermiit sapaat ilanngullugu ataatsimeersuarnermi peqataassapput.
Ukrainep præsidentia, Volodymyr Zelenskij, ataatsimeersuarnermi aamma peqataavoq.
Rusland eqqisseqatigiinnissamut isumaqataanngippat, amerikamiut sakkutuuinik Ukrainemukartitsiniarluni præsidentip tullersortaa aviisimit apersorneqarluni oqarpoq.
USA-p præsidentia, Donald Trump, Ukrainemi sorsunnerup unitsinneqarnissaa anguniagarivaa. Taassuma Vladimir Putin oqarasuaatikkut sapaatip akunnerata massuma ingerlanerani oqaloqatigingaatsiarpaa.
Nunat taakkua siuttui marluk isumaqatiginninniarlutik naapinnissartik pisortatigoortumik suli ullulinngilaat.
