Naalagaaffiup DNA-mik nammineq nalunaarsuiffiit politiinit ujaasiffiusinnaanngortinniaraat
Politiit pinerluttoqarsimatillugu paasiniaagaatanga DNA-mik misissuisarfik namminersortoq atorneqartalersinnaanissaa oqartussanit anguniarneqarpoq.
DR taama allappoq.
Politiit sakkussaannik tunineqarnissaat pingaaruteqartoq, Danskit inatsiseqarnermut ministeriat Peter Hummelgaard, taama isumaqarpoq.
Danskit politiivi kinguaariinnik misissuiniartillugit namminneq DNA-mik misissuutitik taamaallat atorlugu misissuinissaat maannamut periarfissaavoq.
Naalagaaffiup periarfissanngortissappagu, pinerluttoqarsimatillugu paasiniaanermi kinguaariinnik misissuinermi DNA-mik nalunaarsuisarfik soorlu MyHeritage atorneqarsinnaalissaaq.
Politiit inuit DNA-vinik misissuitillutik aatsaat akuersissummik peqqaarlutik namminersortumut piniarsinnaasartut, DR allappoq.
Politiit kinguaariinnik misissuisarnerat 2022-mili periarfissarilernikuuaat.
Politiit misissuinerminni nalunaarsukkat atorsinnaalernissaanik naalagaaffik anguniagaqassasoq, Danskit inatsiseqarnermut ministeriat siorna februarimili nutaarsiassaqartitsivimmut ritzauimut oqaatigaa.
Nalunaarsukkat taamaattut USA-mi atorneqarsinnaapput, tamannalu Danmarkimi periarfissaalernissaanut inatsisissatut siunnersuut ukiaanerani tusarniaaffigineqassasoq, DR allappoq.
