Konservatiivit Kalaallit Nunaannut oqaaseqartittagaata Pape tapersersorpaa
Konservatiivit Kalaallit Nunaat pillugu oqaaseqartartuata Rasmus Jarlovip siulittaasortik Kalaallit Nunaat nunanut ineriartortunut arlalitsigut assersuussineranik oqarnera tapersersorlugu aviisimut Ekstra Bladetimut oqarpoq. Konservatiivit siulittaasuata Søren Pape Poulsenip taama assersuusiorluni oqarnera isornartorsiorneqarpoq.
AAMMA ATUARUK Aaja Chemnitz Papep Kalaallit Nunaat pillugu oqarsimaneranut: Ministeriuninngussappat ajornakusoortorujussuanngussaaq
Jarlov siornatigut oqarnikuuvoq Kalaallit Nunaat nunasiaatitut taassallugu kukkunerusoq, Afrikamut inussiaateqarnermut atornerluinermullu eqqaanarmata. Kalaallit Nunaannilu taamaattoqanngisaannarnikuummat, Jarlov Facebookimi 2019-mi taama allappoq
Jarlov isumaqataavoq
Taamaakkaluartoq Rasmus Jarlovip siulittaasuni Søren Pape Poulsen tamakkiisumik tapersersorpaa.
- Oqartinniarsarivarma Søren Pape Poulsenip oqaaserisimasaanut isumaqataanngitsutut nipeqartilerlunga, soorunalimi taamaanngilanga, pissutigalugu ataatsimooratta, Søren Pape Poulsenillu oqaatigisimasami allannguallaatai ersersinniartariaqarpai, tamanna pisariaqartissaguniuk, Rasmus Jarlov aviiismut Ekstra Bladetimut taama oqarpoq.
