Kommunip Tasiilami sulisui illoqarfeqatigisaminnik pisortartaartut
Kommunimi sulisut illoqarfeqatigisaminnik attavigisinnaasaminnillu aatsaat siullermeertumik pisortartaarput. 54-inik ukiullip, Hjørdis Vibergip sulisut 500-it akisussaaffigilissagai, illoqarfiit pingaarnersaata kommunia paasissutissiivoq.
Hjørdis Viberg Filatiliami tunisassiornermut pisortaasimavoq, illoqarfimmilumalunnaatilinnik suliaqartareerluni, ilaatigut butiksrådimut atuarfiullu siulersuisuini siulittaasuulluni.
- Tasiilaq ukiuni arfinilinni kingullerni najugaraara. Taamaammat unammillernarsinnaasut ilisimasaqarfigilluarpakka, aammali illoqarfimmi inuiaqatigiiusugut nukittuffinnik ulikkarpugut. Illoqarfimmi innuttaasunut kommunimilu sulisunut pitsanngorsaanermik suliaqarlunga aallartinnissannut qilanaartorujussuuvunga, Hjørdis Viberg oqarpoq.
AAMMA ATUARUK Forebyggelse af kriminalitet skal starte i Tasiilaq
Tasiilamili sulisut suliamut tunngatillugu apeqqutissaqartillutik Nuummi pisortanut suli attaveqartassapput. Hjørdis Vibergilli sulisut akisussaaffigilissavai, tamannaluilloqarfimmi kattuffiit, inuussutissarsiuteqartut kommunimilu sulisut qangali kissaatigisimavaat.
- Hjørdis akisussaaffimmik annertuumik tigusinissaminut, tassalu sulisunut 500-t sinnerlugit amerlassusilinnut aqutsinissaminut pisariaqartunik misilittagaqarluarpoq. Piumassuseqalersitsisinnaaneq pikkoriffigaa, Tasiilarlu annertuumik uummateqarfigalugu. Taamaammat illoqarfimmi ineriartortitsinissamik pilersaarummi siuttuunissaanut tulluartuunera qularutiginngilluinnarpara, Kommuneqarfik Sermersuumi pisortaaneq, Lars Møller-Sørensen oqarpoq.
AAMMA ATUARUK Tasiilami meeqqanik inuusuttunillu sullissisussaaleqisut