Danmarkimi kommunerpaalunni sulisut angerlarsimaffimminnit suligallassasut
Københavnip kommuniani aqutsisut sulisumik angerlarsimaffimminnit sapaatit akunnerini marlunni tulliuttuni sapinngisamik sulisariaqarnissaannut kaammattuinissaat, Danmarkimi oqartussanit inassutigineqarpoq.
- Illoqarfitsinni tunillanneqarsimasut amerliartunnginnissaat pillugu soorunami taamaaliorpugut, Københavnip kommuniata borgmesteriunera Frank Jensen (S) oqarpoq.
AAMMA ATUARUK Danmarkimi tunillatsissimasut amerliartortut – matusinissaq pisariaqarsinnaasoq
Coronavirusip siaruatsaaliornissaa pillugu Københavnip kommuniani, Københavnillu eqqaani kommunini 16-ini sulisut angerlarsimaffimminnit sulisarnissaat ataasinngornermi inassutigineqarpoq.
Odense Kommune Sjællandip avataani kisiartaalluni kommunini aamma taamaaliorpoq. Kommunimmi aqutsisuisa akornanni sulisut angerlarsimaffimminnit maanna aamma sulilissapput.
Kommunimi sulisut 2000-t pallillugit angerlarsimaffimminnit maanna suligallassasut, Odense Kommunep pisortaanera Stefan Birkeberg Andersen ataasinngornermi oqarpoq.
