Danmarkimi tunillatsissimasut amerliartortut – matusinissaq pisariaqarsinnaasoq

Danmarkimi peqqissutsimut oqartussat illoqarfinni tunillaassorfiusuni matusisoqarnissaa pisariaqarnersoq ataasinngormat aalajangiiffigissavaat.
Coronavirusimik tunillatsittut maannakkut pingaartumik inuusuttuullutillu inuusunnerusuupput, peqqissutsimut ministeri, Magnus Heunicke oqarpoq. Assi © : Scanpix
Allattoq Ritzau
septembarip 04-at 2020 14:14
Nutserisoq Connie Fontain

Danmarkimi coronavirusimik tunillatsissimasut ulluni kingullerni amerliartorput. Pingaartumik Odensemi Københavnimilu.

Oqartussat sumiiffinni matusinissamut periarfissaqarput.

Tunillaassuuttoqarnera annertusiartuinnassappat tamanna pillugu qanittumi aalajangiisoqarsinnaasoq, peqqissutsimut utoqqaallu pillugit ministeri, Magnus Heunicke (S) tusagassiortunik katersortitsinermi oqarpoq:

- Sumiiffinni matusinissamut periarfissat sakkussatsinni pingaarnerpaatut inissisimavoq. Kisitsisit sapaatip-akunnerata naanerani takussavagut. Tamannalu pisariaqarpat iliuuseqarfigissavarput, Magnus Heunicke oqarpoq.

Erngunnerit amerlanerusut

Peqqissutsimut oqartussat sapaatip-akunnerata naanerata kingorna tunillatsissimasut amerliartuinnarnersut sumiiffinnilu matusinissat pisariaqarnersut aalajangiiffigissavaat.

Napparsimasut isumannaatsuunissaat pillugu aqutsisoqarfimmi pisortap tullia, Anette Lykke Petri tusagassiortunik katersortitsinermi oqarpoq.

AAMMA ATUARUK Kina susinnaatitaava? Corona pillugu malittarisassanut ilitsersuut aana

Coronamik tunillatsissimasut nutaat 173-it ullup ataatsip ingerlanerani nalunaarsorneqartut, Statens Serum Institutimit tallimanngornermi ullormut nutarterinerit takutippaat. Covid-19 pissutigalugu napparsimmavimmut unitsinneqartut 18-inut amerlipput.

Kommuninit 98-init 88-it sapaatini-akunnerni kingullerni tunillatsittoqarfiupput. Kommunini 14-ini innuttaasut 100.000-iugaangata tunillatsissimasut 20-t sinnertarpai.

Coronavirusimik tunillatsittut maannakkut pingaartumik inuusuttuullutillu inuusunnerusuupput.

- Sumi tunillatsittut amerliartornerat apeqqutaalluni iliuuseqartoqassaaq. Inuusuttut akornanni tunillatsittut amerliartortut maannakkut takusinnaavarput. Taakku sunngiffimminni tunillatsittartut takuneqarsinnaavoq. Inuussuttullu suisinnerusumit erngullerusut takusinnaallutigu, Magnus Heunicke oqarpoq.