Kommuneqarfik Sermersooq pisortanik ikiorsiissutit pillugit eqqartuussivimmut suliassanngortinneqartoq
Thyge Østergaardip Kommuneqarfik Sermersuullu akornanni pisortanit ikiorsiissutit pillugit ukiorpassuarni saqitsaassutigineqartoq eqqartuussivimmut suliassanngortinneqarpoq.
Thyge Østergaardip kommunimut eqqartuussivitsigut suliassanngortitsinini aningaasartuutigissanngikkaa Rigsombudsmandip aalajangereeraalu tamanna qularnarunnaarpoq. Tassa imaappoq pineqartup suliami aningaasartuutit akilissanngilai.
Eqqartuussivimmi suliat akisusinnaapput, Rigsombudsmandilu pineqartunut aningaasartuuteqanngitsitsisinnaavoq, taamaalillutik inuit eqqartuussivimmi suliassanngortitsinissaminnut akissaateqanngitsut aningaasarissaarnerusutulli eqqartuussivimmi suliassanngortitsinissamut periarfissaqarsinnaatitaallutik.
Tamannali Rigsombudsmandip eqqartuussivimmi suliamik aallartitsinissamut eqqortumik tunngavissaqartoq inuillu suliamut atatillugu taperserneqarsinnaasutut nalilerpagu aatsaat pisinnaavoq.
AAMMA ATUARUK Thygep pisortanit ikiorsiissutisiarisartagai kommunimik peerneqariataartut
Eqqartuussissuserisoq Marie Louise Frederiksen suliamik Thyge Østergaardimut atatillugu ingerlatsisuussaaq, taassuma tassunga aningaasanik utertitsisoqarnissaa anguniarpaa.
Thyge-sagen
- Ved årsskiftet til 2015 var Thyge Østergaard én blandt mange, som fik sænket den offentlige hjælp.
- Det skete, fordi Kommuneqarfik Sermersooq besluttede at spare 5,5 millioner kroner på området.
- Det oplyste kommunen bare ikke borgerne om.
- For Thyge Østergaard betød det, at han fra årsskiftet fik udbetalt 775 kroner hver fjortende dag i bistand i stedet for 1014 kroner.
- Han mistede altså pludseligt knap en fjerdedel af sin offentlige hjælp, og det gik hårdt ud over hans økonomi.
- Thyge Østergaard har klaget, og nu har Rigsombudsmanden besluttet at give ham fri proces til en retssag mod kommunen.
- Ersersitsinissamut piumasaqaateqarpoq, tassani allassimavoq eqqartuutitinniakkap Thyge Østergaardimut isumaginninnikkut akilersuutit apparneqarnissaannut kommunip januaarip ulluisa 22-anni aalajangernera atortussaajunnaarsinneqarnissaa nassuerutigissagaa, Thyge Østergaardip eqqartuussissuserisua, Marie Louise Frederiksen oqarpoq.
Allatut oqaatigalugu eqqartuussissuserisup kommunip Thyge Østergaardimut pisortanit ikiorsiissutaanik kingumoortumik appaanera inatsisinik unioqqutitsinerusoraa.
AAMMA ATUARUK Kommune Thygep pisortanit ikiorsiissutaanut tunngatillugu suliami tunniutiinnanngitsoq
Kommuni taamaalilluni Thyge Østergaardimut pisortanit ikiorsissuteqarnermi appaanermi kingorna qaammatini tulliuttuni aningaasanik annaaneqartunik utertitsisariaqanngilaq.
Kommuni: Eqqortumik iliuuseqarpugut
Inatsisartut Ombudsmandiata suliaq siusinnerusukkut sulissutigaa, tassanilu kommuni inatsisinik unioqqutitsisumik iliuuseqarsimasorineqarpoq. Kommunili taama isumaqanngilaq.
- Suliami eqqortumik iliuuseqarluta suli isumaqarpugut, eqqartuussivimmili suliassaq pineqarmat itinerusumik oqaaseqarsinnaanngilanga, atugarissaarnermut suliffeqarnermullu susassaqarfimmi pisortaq, Ejner Grønvold oqarpoq.
Thyge Østergaard. Assi: KNR
Eqqartuussut Thyge Østergaardimut aammali kommunimut kinguneqarluarsinnaavoq.
Suliaq 2015-imi ukiup nikinnerani aallaaveqarpoq, taamani kommunalbestyrelsit pisortanut ikiorsiissutini 5,5 millionit koruuninik sipaaruteqarniarlutik aalajangerpaat. Uanili ajornartorsiutaasoq tassaavoq kommunip innuttaasut pisortanit ikiorsiissutinik appaavigineqariataartut nalunaarfigisimanngimmagit.
Thyge Østergaard suliami taperserneqassaguni qaammatini taakkunani kommunimit unioqqutitsisumik appaaffigineqarnerminut taarsiiffigitittussanngorsinnaavoq. Taassiissutigineqartut tusindilinnik naleqarsinnaavoq kommunimulli akisunerungaatsiarsinnaalluni.
AAMMA ATUARUK Thyge pillugu suliaq allanut utertitsinissamut ammaasinnaasoq
Thyge Østergaardimi kisimi ikiorsiissutinik appaavigineqanngilaq. Taanna kisimi naammagittaalliuteqartuuginnarpoq.
Nunatsinni eqqartuussiviit tassunga tapersiissagunik pisortanit 2015-imi ukiup nikinnerani pisortanit ikiorsiissutinit appaaffigineqartut tamarmik eqqartuussiviup aalajangiineratigut aamma aningaasanik utertitsiffigineqassapput. Akiligassat taamaalillutik millionit koruunit sinneqarsinnaapput.
Eqqartuussivimmi suliaq Nunatsinni Eqqartuussiveqarfinni suliarineqassaaq. Tamanna qaqugu pissanersoq suli aalajangerneqanngilaq, ukiaruli pinissaa ilimanarpoq.