VIDEO Kommunefogedit pillugit politikikkut suliniartoqalerpoq
Nunaqarfiit pingajorarterutaasa ukiorpaalunni kommunefogedissaaleqinerat maanna pimoorussamik politikikkut iliuuseqarfigineqarnialerpoq.
- Politimesteri ataatsimeeqatigiumavara, tassani paaserusuppara kommunefogedit atorfinitsinniarnerini suut unammillernartuunersut, folketingemi ilaasortaq Aaja Chemnitz Larsen KNR-imut oqarpoq.
Aamma atuaruk VIDEO Kommunefogedeqarniarneq peqqinnissaqarfimmut sunniisarpoq
Ataatsimiinnermilu paasisat inatsiseqarnermut ministerip Søren Pindip aggustip naalernerani ataatsimeeqatiginerani anngunneqassapput.
- Danskit inatsiseqarnermut ministeriat naapissavara, tassanilu paaserusuppara kommunefogedinut atorfinitsitsiniarnermut ajornannginnerulersinneqarsinnaanerannut peqataarusunnersoq, Aaja Chemnitz Larsen oqarpoq.
Aamma atuaruk VIDEO Nunaqarfinni kommunefogedeqarniarneq ajornartorsiutaavoq
Kommunefogedillumi atugaat imaannaanngissinnaasut KANUNUPE-p siulittaasuata ilisimavaa.
- Isertitsiviusinnaasunik imaaluunniit kommunefogedinut allaffiarannguusinnaasunik nunaqarfinni tamani peqannginnera, isumaqarpunga annertuumik massakkut nipilersoqataasoq, uani ajornartorsiutaasumi, KANUNUPE-mi siulittaasoq, Jens Kristian Therkelsen KNR-imut oqarpoq.
Aamma atuaruk Kommunefogedinut atugassarititaasut pitsanngorsarneqartut
Politeeqarneq Danmarkimiit suli akisussaaffigineqarpoq, taamaalilluni aamma aningaasaliisoqassappat tappavanngaanniit aalajangerneqassalluni.
- Aningaasaliisoqaqqinnissaanut pisariaqartitsisoqassappat, aningaasanut inatsisissamut isumaqatigiinniarnerni anngutissavakka. Taakkulu qanittukkut aallartissapput, Aaja Chemnitz Larsen oqarpoq.
Aamma atuaruk Kommunefogedessarsiorneq sukanniarpaat
Kommunefogedit akissarsiaat 2012-umi qaffanneqarput. Ilaatigut ukiumut 7.300 koruunimiit 75.000 koruunimut qaffanneqarlutik. Siornatigut nunaqarfiit angissusaat akissarsiat qanoq amerlatigineranut apeqqutaasarnikuupput.