Assi: Marie Nielsen Ugpernangitsok

Kommunefogedit amerlineqarnissaat Danmarkimit tapersersorneqarpoq

Illoqarfinni nunaqarfinnilu tamani inatsisinik malitsitsiniartoqartariaqarpoq. Inuit Ataqatigiit Siumullu sivisuumik taama kissaateqarsimapput.

 

Kalaallit Nunaanni ilaqutariinnermut eqqartuusseveqarnermullu tunngasut inatsisit Folketingimi oqallisigineqartillugit ippassaq kissaatigisaq taanna qaqeqqinneqarpoq.

Folketingimut ilaasortaq Aleqa Hammond ima oqarpoq:

- Inatsisitigut isumannaatsuuneq eqqartortillugu aamma kinguaagut eqqarsaatigalugit, pingaaruteqarpoq inatsisitigut isumannaatsuuneq ima isumannaatsigissasoq naalagaaffeqatigiinnut tanngassimaarutaasinnaalluni. Kisianni Kalaallit Nunaanni nunaqarfinnit 60-isiusunit 14-ini kommunefogedeqanngillat, politiinut sinniisaasumik.

Aamma atuaruk VIDEO Nunaqarfinni kommunefogedeqarniarneq ajornartorsiutaavoq 

Dansk Folkepartiimeersoq Jeppe Jakobsen oqarpoq tamanna misissortariaqartoq.

- Soorunami Kalaallit Nunaanni innuttaasutut inuiaqatigiinni annertuumik inatsisitigut isumannaatsuunissaq pingaaruteqarpoq. Taamaattumik ilumoorullugu saaffiginnissutit tamaasa Dansk Folkepartiimi ilungersuullugit suliarisassavagut.

Aammattaaq Konservativini nunarput pillugu oqaaseqartartoq Rasmus Jarlow tapersersuivoq:

- Soorunami inuit taama amerlatigisut saaffigisassaqanngitsut, politiinut eqqartuussivimmulluunniit ajornartorsiulernermi saaffigisassaqanngippata ajornartorsiutaavoq. Uanga aamma siutinni kukkusuuvoq. Isumaqarpunga oqallisigisariaqaripput.

Aamma atuaruk VIDEO Kommunefogedeqarniarneq peqqinnissaqarfimmut sunniisarpoq

Kommunefogedit aamerlineqarnissaannik siunnersuut eqqartuussiveqarneq pillugu ataatsimiititaliap 2005-imi nalunaarusiaani saqqummiunneqarpoq. Nalunaarusialli unnersuussutai tamarmik malinneqaqqajanngillat.

Radikalit Nunarput pillugu oqaaseqartartuata Martin Lidegardip assut ugguaraa eqqartuussiveqarnerup tungaatigut Kalaallit Nunaata kivittariaqalernera.

Meeqqat illersuisuatali isornartorsiuinera kingulleq eqqarsaatigalugu aamma allatut ikiorsiisoqarsinnaasoq, taanna isumaqarpoq.

- Isumaqarpunga isumaginninnerup tungaatigut pisariaqartitanut una ilaasariaqartoq. Isumaqarama nunaqarfiit ilaanni aamma isumaginninnermut siunnersorteqartariaqarneq pingaaruteqartoq, soorlu isumaginninnermut siunnersortimik isumaginninnikkulluunniit oqartussaasumik ornitaqarsinnaaneq, politiitulluunniit oqartussaaffilimmik nunaqarfimmiluunniit fogedemik orninneqarsinnaasumik peqarnissaq.

Folketingimut ilaasortat Nunatsinneersut Aaja Chemnitz Larsen aamma Aleqa Hammond danskit inatsisitigut atortsitsinermut ministeriat ilaatigut kommunefogedeqarneq pillugu ullumikkut ataatsimeeqatigisussaagaluarpaat. Ministerilli ataatsimiinnissaq decembarimut kinguartissimavaa.

Aamma atuaruk VIDEO Kommunefogedit pillugit politikikkut suliniartoqalerpoq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat