Kommune Kujalleq aatsitassanut tunngasunut siunnersortimik atorfinitsitsisoq

Kommunip aatsitassanut tunngatillugu suliaqarnera annertusarniarlugu Kommune Kujalliup ujarassiooq Ole Christiansen kommunimi aatsitassanut tunngatillugu immikkut siunnersortitut aggustip aallaqqaataa aallarnerfigalugu atorfinitsippaa.

Allattoq Simon Uldum -

aggustip 05-at 2016 06:11

Ole Christiansen NunaMineralsimi ukiorpassuarni pisortatut aammalu aatsitassanut tunngasunik ilisimatuutut atorfeqarsimanerminit aatsitassarsiornerup silarsuaanut ilisimasaqangaatsiarpoq.

Aamma atuaruk Ole NunaMineralsilu aaqqiagiinngitsut

Borgmesterip Jørgen Wæver Johansenip Ole Kommune Kujallermut tikilluaqquaa, Olellu suliaqarnissaanut neriuuteqarfigilluarlugu:

- Olep nunatsinni periarfissat nunattalu pinngoriartornera pissusialu ilisimaqarfigilluarai, taakkuinnaanngitsulli aatsitassanimmi piianermik pisariaqartinneqartut aamma sammisarai. Olep suleqatigilernissaanut qilanaarpunga, borgmester Jørgen Wæver Johansen tusagssdiorfinnut nalunaaruteqarluni taama allappoq.

Aamma atuaruk NunaMineralsip Ole Christianseni saassukkaa

Ole Christiansenip oqaatigaa, Kommune Kujallermi sulinissaminut qilanaarluni, "Aatsitassanik piiaaffioriataarsinnaalluartoq, Kujallermullu Nunatsinni kommunini aatsitassarsiorfigineqarnerpaanngortitsisinnaasoq".

Ole Christiansen kommunimi sulisut akornaniilissaaq, Qaqortumilu borgmesterip allaffeqarfiani allaffeqassalluni.