Kommunalbestyrelsimi ilaasortat Jess Svane mamiasuutigaat
Qaasuitsup Kommuniani Viceborgmesteri, Jess Svane, taama oqaaseqarsimasutut issuarneqarpoq, taanna tallimanngormat KNRimut ima oqarpoq:
- Meeqqat, inuusuttut utoqqaallu naligiissaarinerup kingunerisaanik atugaasa ajornerulernissaannik oqaluunnerisigut allaanngilaq sallunaveeqqutitut atorniarneqartut, Jess Svane KNRimut oqarpoq.
Tunu eqqorneqassaaq
Kommunalbestyrelsimulli ilaasortat IA-meersut taakku marluk, isumaqarput piffissaagallartillugu mianersoqqusinerusoq.
- Tunumi innuttaasut sinnerlugit, mamiasuutigaarput Kommuneqarfik Sermersuup kommunitut pisuutut taakkartorneqarnera.
AAMMA ATUARUK Svane: Torersumik piviusumillu oqallittoqarli
- Kikkut tamarmik nalunngilaat Tunumut annertuumik aningaasaliisoqarnissaa pisariaqartinneqartoq, sunulluunniit tunngagaluarpata, inuussutissarsiornermut, isumaginninnermut, imaluunniit ineqarnermut.
- Naalakkersuisut siunnersuutaattut, kommunimut aningaasaliissutinik equngasumik agguaassisoqassappat, tamanna Kalaallit Nunaata Kangiani innuttaasut siulliullutik malugisussaavaat, Iddimanngiiu Bianco Allan Pertti Frandsenilu tusagassiutinut nalunaarumminni allapput.
AAMMA ATUARUK Malene Lynge: Jess Svanep kommunit allat nammineersinnaanerat ataqqinngilaa
Nunatsinni borgmesterit Aningaasaqarnermullu Naalakkersuisup ippassaq ataatsimiinneranni, Kommuneqarfik Sermersooq 117 millionit koruuninik naligiissaarinermut tapiissuteqassasoq – siullermik siunnersuutigineqartunit 56 millionit koruuninit annertunerungaatsiartumik – borgmesterit pingasut piumasarereeraallu, taama qisuariartoqarpoq.
