Malene Lynge: Jess Svanep kommunit allat nammineersinnaanerat ataqqinngilaa
Kommuneqarfik Sermersuumi kommunalbestyrelsit aataatsimoorlutik, kommuneqarfiup illoqarfiini sisamani, aningaasatigut nalimmassaanermut aaqqissuusseqqinnissamut atatillugu sipaarniarfiusussat pillugit, pingasunngormat unnukkut innuttaasunik ataatsimiisitsivoq.
AAMMA ATUARUK Svane: Torersumik piviusumillu oqallittoqarli
- Ammasumik pissuseqarnissaq innuttaasunillu peqataatitsinissaq upperigatsigik taamaaliorpugut. Allat nalimmassaanissamik nutarterinissap isertuunneqarnissaa kissaatigisimagaluarpassulluunniit, Malene Lynge oqarpoq, kommunimillu allami poliitiikerip, kommunimi allami aalajangiunneqartunut akuliunnera aamma eqqumiigalugu oqarlunilu, Jess Svanep taama nalunaarnermini, kommunit allat nammineersinnaanerat ataqqinngikkaa.
Kommuneqarfik Sermersuumi innuttaasunik ataatsimiititsinerit piffissami kingullermi pisut, Jess Svanep Radioaviisimi Qanoruumilu "ippinnarnerarlugit" oqaatigereeraalu, Malene Lynge taama tusagassiutinut nalunaaruteqarpoq.
AAMMA ATUARUK Sermersooq: Nalimmassaaneq annernarsinnaavoq
- Allaannginnami Kommuneqarfik Sermersuumi politikerit nalimmassaanissamik iluarsartuusseqqinnissami inuusuttunik utoqqarnillu tiguaasimasut. Taakkumi oqaluttuunniarpaat nalimmassaanissamik iluarsartuusseqqinneq atuutilerpat inuuniarnikkut atukkamikkut ajornerusumik inissisimalissasut, Jess Svane oqarpoq.
- Innuttaasunut tamatsinnut eqquinerluttussaq pillugu innuttaasut paasissutissiivigineqarnissaat pillugu ataatsimiititsivugut, Malene Lynge puffassimaqisoq allappoq.
