Koda taalliornermik erinniornermillu pikkorissartitsilerpoq

Taalliornermut erinniornermullu Kalaallit Nunaanni pikkorissartitsinissaq siulleq, nipilersornermut pisinnaatitaaffiup Kattuffiata, KODA-p, aaqqissuussaa aggustip naanerani pisussanngorpoq.
juulip 28-at 2010 07:17

Qallunaaq taalliortoq erinniortorlu Annette Bjergfeldt pikkorissartitsisuussaaq.

Pikkorissartitsinissami kalaallit KODA-mut ilaasortarpassuit pikkorissartinneqarnissaat siunertarineqarpoq, pikkorissartitsinerlu Nuummi aggustip ulluisa 28-anni 29-annilu pissaaq.

Annette Bjergfeldt KODA-mut pikkorissartitsinernut misilittagaqarluarpoq. Kisimiilluni allanillu peqateqarluni nutaanik taalliornissamut erinniornermullu pikkorissarneq isumassarsiornerussaaq.

Annette Bjergfeldt isumassarsianik nutaarpassuarnik tunniussisinnaavoq, taallanik erinnanillu allannermik pinnguartitsisarpoq, nutaanillu periusissarseriataarnissamut isumassarsisitsisarluni.

Pikkorissarneq tusarnaartitsinermik sapaatiuppat aggustip ulluisa 29-anni naggaserneqassaaq, peqataasullu sapaatip akunnerata naanerani pikkorissarnerminni taalliaat erinniaallu nutaat, tassani tamanit tusarneqarsinnaanissaat periarfissaassalluni.

Pikkorissarneq aamma sapaammi tusarnaartitsineq Nuummi Nuussuup Atuarfiani pissapput.

Ilaasortat Nuummeersuunngitsut pikkorissartitsinermi peqataasussat angalanissaat KODA-p isumagissavaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq