KNR-imi siulersuisut nutaat toqqarneqartut
KNR-ip siulersuisuinut 2019-imit 2022-mut atuuttussanik qinersisoqaqqammerpoq. Nukaaraq Eugenius taarserlugu Sofie Sandgreen Berthelsen siulittaasunngorpoq.
![](/sites/default/files/styles/image_934x467/public/article_images/img_7368.jpg?itok=6SgUAzlw)
Allattoq Thomas Munk Veirum
Nutserisoq Ane-Marie Petersen
KNR-imi siulersuisuni ilaasortat nutaat januaarip aallaqqaataani atuutilissapput.
Siulersuisuni ukiuni tullerni sisamani siulittaasussaq ilaasortarlu ataaseq Naalakkersuisunit toqqarneqarput. Taakkulu tassaapput Sofie Sandgreen Berthelsen siulittaasutut, Najattaaq Mathiassen ilaasortatut.
Ilisimatusarfiup ilaasortaq ataaseq toqqagaraat, tassaasoq Inga Dora Gudmundsdottir. Eqqumiitsuliornikkut Pinngorartitsisut Ingerlatsisullu Kattuffianit Jørgen Chemnitz KNR-ip siulersuisuni aamma ilaasortanngorpoq.
KNR-imi sulisut Ivínguak Stork Hørgh ilaasortatut qinerpaat.
KNR-imi siulersuisortaavi januaarip aallaqqaataani sulinertik aallartissavaat 2022-p tungaanut.