KNR avoqqaarinnissummik ombudsmandimut tunniussivoq

Kalaallit Nunaata Radioaniit Kultureqarnermut Ilinniartitaanermullu Naalakkersuisoqarfimmik avoqqaarinnissut Inatsisartut ombudsmandianut ullumi tunniunneqartoq, pisortaq Lars Lennert-Sandgreen nalunaarpoq.
Allattoq Elisa Isaksen
oktobarip 31-at 2008 15:51

Nalunaarut najoqqutaralugu KNR-imiit Naalakkersuisoqarfimmut saaffiginnissutit pingasut, ataaseq januaarimi 2007-imeersoq, ataaseq juunimi 2008-meersoq pingajuallu oktobarimi 2008-meersoq, akineqartarsimanngimmata avoqqaarinnissut nassiunneqarpoq. Saaffiginnittarnerit tv-kkut aallakaatitsivissanut kanalinik pilersitsiniarnernut, kiisalu KNR-ip aningaasaqarniarneranut tunngasuupput.

- Taama allaffissornerup eqartiginerata kinguneranik KNR-ip ineriartortinnissaa pillugu Naalakkersuisup Naalakkersuisoqarfiullu attaveqaqatigisarnera ajornartorsiutaavoq. Pissutsit taamaatillugit KNR-imi pissutsit ajorsiartuinnarput, siunissamullu pilersaarusiorsinnaanerput killeqarluni, Lars Lennert-Sandgreen oqarpoq.

Namminersornerullutik Oqartussat akiniaaluusaarsimanertik pillugu ungasinngitsukkut Perorsaasut peqatigiiffiannut 100.000 koruuninik akiliisitaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq