KNR-imi siulersuisut KNR aamma aningaasaliissutit

Assi © : KNR
januaarip 17-at 2020 17:46

KNR-ip siulersuisui ullumikkut sisamanngorneq ulloq 16. januar 2020 immikkut ittumik ataatsimiipput tassanilu sakkortuumik isornartorsiunineq eqqartorsimavarput tassani pineqarpoq tusagassiortut marluk USA-mut amerikkarmiut nunanut allanut ministereqarfiata angalanerat ineqarnerallu akilersimammassuk.

Ataatsimiinnermi siulersuisut ilisimatinneqarput aaliangernermut akuersinermullu tunuliaqutaasut USA-mut angalanissamut Siulersuisunut ilisimatitsissutigineqartoq KNR-ip pisortaanit nutaarsiassanullu pisortamit saqqummiunneqarpoq.

Siulersuisut KNR-ip akeqanngitsumik angalasimaneq ineqartinneqarnerlu akuerisimammassuk ilungersunartutut isigaat. Siulersuisut pisortaqarfimmut aaqqissuisoqarfimmullu erseqqissarpaat akiliutitilluni angalanerit ineqartinneqarnerillu tapiissutaammata.

Siulersuisut isornartorsiuteqarlutik oqaaseqaateqarnermi saniatigut peqatigitillugu sukkasuumik suliamik aallartitsivoq tapiissutinut malittarisassat suli annertunerusumik qulaajartillugit taamatut pisoqaqqinnginnissaa qulakkeerniarlugu.
Siulersuisut erseqqissassavaat KNR-ip qullersaqarfia nutaarsiassaqartitsivia aaqqissuisoqarfiillu tatigilluinnaratsigit, taakkulu tatiginassusaat innarlerneqarsimanngitsutut isigigatsigit.

 

Inussiarnersumik inuulluaqqusillutaSofie Sandgreen
Siulittaasoq