KNR pillugu nutaarsiassat

KNR Anita Cramer Corpas KNR-ip nutaarsiassaqartitsiviani pisortanngussaaq

Anita Cramer Corpas apriilip ulluisa aallaaqaataat 2024 aallarnerfigalugu nutaarsiassaqartitsivimmi pisortatut ivertinneqarpoq. Atorfik januarip aallaqqaataanili inuttaqarsimanngilaq, immikkoortortaqarfimmi pisortaasimasoq Alice Sørensen KNR-imit tunuarmat.

Allattoq Paasissutissat KNR / KNR Info

marsip 08-at 2024 11:17

57-inik ukiulik Anita Cramer Corpas, ukiunilu arlalinni Danmarkimi tusagassiuutilerinermik aqutsinermillu tusagassiorfinni suliffeqarfinnilu allani aaqqissuisutut pisortatullu tunuliaqutaqarluartoq, tusagassiornermik aqutsinermillu misilittagai annertupput.

Anita Cramer Corpasip atorfininnini pillugu oqaaseqarpoq:

Tatigineqarnera KNR-imilu nutaarsiassaqartitsivimmut tunniussaqarnissannut periarfissinneqarnera nuannaarutigaara, qilanaarpungalu suleqatigiit qanimut nutaarsiassiisarnerup ineriartortinnissaa pillugu suleqatigilernissaannut.

Anita Cramer Corpas

KNR-imi pisortap Annga Lyngep Anita Corpas Cramerip atorfininnissaa qilanaaraa:

Anitap suleqatigilluarnissaa naatsorsuutigaara aammalu tusagassiortutut, aaqqissuisutut pisortatullu misilittagai tamatigoortut nutaarsiassaqartitsivimmut iluaqutaajumaarnissai qularinagu.

Annga Lynge

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Sammisaq: KNR pillugu nutaarsiassat

KNR Anita Cramer Corpas KNR-ip nutaarsiassaqartitsiviani pisortanngussaaq

Aamma atuaruk