KNI-p RAL qatsutivippaa

KNI-p pisortaanera Peter Grønvold Samuelsen Royal Arctic Line-mut  naammagiinniinnarsinnaajunnaarluni tusagassiuutinut nalunaaruteqarpoq.
 
- Piffissami sivitsortumi RAL periarfississimavarput eqqissilluni ajornartorsiutiminik aaqqiiniarnissaanut, akornusersorumasimanngilarpullu, peqatigaluguli kukkuluttuuterpassuit atuisunut annikinnerpaamik kingunerluuteqarnissaat qulakkeerniartuarsimallutigu, KNI-p pisortaanera taama allappoq.

KNI-p pisortaanerata oqarnera naapertorlugu,  RAL-imi ajornartorsiutit pissutigalugit,   KNI-p Namminersorlutik Oqartussanik kiffartuussinissamik isumaqatigiissutaa, tassalu inuussutissanik pilersuisussaatitaaneq tamatigut eq-qortissinnaajunnaartoq, tamannalu suliffeqarfiup sulisuinut eqquinerlutitsivoq, KNI-p pisortanera oqarpoq,

-Tamakku KNI-mi sulisutsinnut assut ilungersunartorsiortitsipput, taakkuuppummi pisisartunit naam-magittaalliorfigineqartuartut nassiussat RAL-imit kukkusumik pineqarsimagaangata, Peter Grønvold Samuelsen oqarpoq.

Septemberip qaammataani kukkuluttuutit KNI-mit paasineqarput, taakku tassaapput nassiussat 130-it sumiiffiillu 25-it eqqorneqarput.

AAMMA ATUARUK RAL-ip assartuinermi ajornartorsiutai aaqqikkiartulerunarput

KNI-p pisortaanerata sumiiffiit ilai ukiukkut umiarsuarnik tikinneqarsinnaanngitsut taamaalillutillu pilersorneqarsinnaanngitsut isumakuluutigai.

- Nioqqutissat pisariaqartinneqartut apuunneqarsimassanngippata taava KNI-p pilersuisussaatitaanini naammassisinnaajunnaassavaa, qaavatigullu oqartariaqarpugut, tamanna atuisartunut eqqortuusinnaanngilluinnartoq,  KNI-p pisortaanera Peter Grønvold Samuelsen oqarpoq.

AAMMA ATUARUK RAL-ip kukkuluttorneranik Pilersuisoq eqqugaaqqasoq