Inuussutissarsiutit

KNI ilimagisamisut ukiup affaani siullermi naatsorsuutimigut angusaqartoq

Niuernermik kiffartuussinermillu suliffeqarfissuaq KNI, ukiup affaani siullermi akileraarutit suli akilernagit 60 millionit koruuninik sinneqartooruteqarpoq, tamannalu ilimagineqareersunut naapertuuttoq, ingerlatseqatigiiffiup pisortaanera Peter Grønvold Samuelsen tusagassiorfinnut nalunaaruteqarluni taama allappoq.

Allattoq Inge S. Rasmussen

decembarip 13-at 2017 12:57

Nutserisoq Simon Uldum -

Angusat siorna piffissap taamaalineranut naleqqiullugit 5 millionit koruuninik ikinnerupput. Pisortaqatigiilli 105 aamma 110 millionit koruunit akornanni ukiumoortumik sinneqartooruteqarnissamik missingersuutitigut anguniakkap anguneqarnissaa suli siunniuteqqavaat.

Suliffeqarfissuup ikummatissanut immikkoortortaa (Polar Oil) naatsorsuutigisamit ikinnerusunik iluanaaruteqarfiuvoq, nioqqutissanulli immikkoortortaq (Pilersuisoq aamma KNI Engros) amerlanerusunik iluanaaruteqarfiuvoq.

AAMMA ATUARUK KNI-p RAL qatsutivippaa

KNI naapertorlugu nioqqutissanik pilersuinermi sanaartukkatigut aserfallatsaaliugassanut ikummatissaasivissuillu aserfallatsaaliorneqarnissaannut katillugit 500 millionit koruunit pisariaqartinneqarput. Taamaammat ingerlatseqatigiiffiup maannakkutut aningaasarsiuinnarnissaa pisariaqartoq, aktiaateqarluni ingerlatseqatigiiffik Namminersorlutik Oqartussanit pigineqartoq taama allappoq.

AAMMA ATUARUK KNI Nunatta karsianut 125 millioninik tunniussisoq

Nutaarsiassami kukkunermik nassaarsimaguit uunga allaffigineqarsinnaavugut.

KNI ilimagisamisut ukiup affaani siullermi naatsorsuutimigut angusaqartoq

Aamma atuaruk