Samuelsen Ilulissaniiinnerup kingorna Kina oqaloqatigissavarput
- Kina akuulerusuttorpassuit ilaattut assersuutissavoq. Aamma allanik assersuutissaqarpoq. Tamakkualu soorunami eqqumaffigissavagut, Anders Samuelsen Ilulissani nalunaarummi sapaatip akunnerani matumani ataatsimiinnerup kingorna oqarpoq.
Kinamik nunanillu allanik, Issittumut isiginnittunut, oqaloqateqaannarnissaq pisariaqartoq, nunanut allanut tunngasunut ministerip erseqqissarpaa.
AAMMA ATUARUK Danskit partiivisa arlaqartut kinamiut suliarinninniarnerat ernumanartoqartikkaat
- Aqqutitigut nutaatigut assartuisoqarsinnaalissappat susoqassanera amerlasuut soqutiginaateqartippaat. Kinap aamma soqutigaa - oqaloqatigiittariaqarpugullu, aamma Kinalu.
Kinap Issittumut ataatsimut isigalugu soqutiginninnerata saniatigut danskit naalakkersuisuisa kinamiut nunatsinnut aningaasaliisinnaasut immikkut aamma isiginiarpaat.
Kinamiut suliffeqarfiutaata, China Communications Construction Companyp nunatsinni mittarfinnik sanaartortussatut toqqarneqaratarsinnaanera danskit naalakkersuisuisa ernumanartoqartikkaat ministeriunerup, Lars Løkke Rasmussenip tallimanngornermi oqaatigaa.
AAMMA ATUARUK Kinamiut mittarfinnik suliaqartinneqarnissaanik USA mianersoqqusivoq
Ministeriuneq naapertorlugu tamanna danskit naalakkersuisuisa nunatsinnilu naalakkersuisut nunanut allanut tunngatillugu apeqqummik oqaloqatigiissutigisariaqaligassarisinnaavaat.
